సాంబ సెక్టార్‌లో ఏడుగురు చొరబాటుదారుల హతం.. 

భారత్‌లోకి చొరబడేందుకు జైషేమహ్మద్‌ యత్నం.. 

ఏడుగురు జైషేమహ్మద్‌ చొరబాటుదారులను హతమార్చిన బీఎస్ఎఫ్..

జమ్మూ కాశ్మీర్‌: జమ్మూకశ్మీర్( Jammu and Kashmir)లో ఏడుగురు ఉగ్రవాదులు హతం అయ్యారు. సాంబ సెక్టార్‌లో ఉగ్రవాదులను బీఎస్ఎఫ్ జవాన్లు కాల్చి చంపారు. గురువారం అర్ధరాత్రి భారత్ లోకి చొరబడేందుకు జేషేమహ్మద్ ఉగ్రవాదులు(Jaish-e-Mohammed terrorists) భారీ సంఖ్యలో యత్నించారు. ఉగ్రవాదుల కదలికలను నిఘా వ్యవస్థ కనిపెట్టింది. ఉగ్రవాదులకు మద్దతుగా పాక్ రేంజర్లు కాల్పులు(Pak Rangers open fire) జరిపారు. బీఎస్ఎఫ్ కాల్పుల్లో పాక్ దండార్ ఆర్మీ పోస్టు ధ్వంసం అయింది. శుక్రవారం తెల్లవారుజామున కుప్వారా, ఉరితో సహా నియంత్రణ రేఖ (ఎల్‌ఓసి) వెంబడి పాకిస్తాన్ దళాలు తిరిగి కాల్పులు జరిపాయి.

గురువారం రాత్రి డ్రోన్లు, క్షిపణులను ఉపయోగించి ఉత్తర, పశ్చిమ భారతదేశంలోని 15 నగరాలను లక్ష్యంగా చేసుకోవడానికి పాకిస్తాన్ సైన్యం(Pakistan Army) చేసిన ప్రయత్నాలను భారత సైన్యం అడ్డుకున్న తర్వాత ఇది జరిగింది. గుజరాత్, పంజాబ్, రాజస్థాన్, జమ్మూ కాశ్మీర్‌లలో డ్రోన్, క్షిపణి దాడులు చేసినట్లు అధికారులు తెలిపారు. దీనితో అధికారులు రక్షణ వ్యవస్థలు, సైరన్‌లను సక్రియం చేసి, చాలా ప్రాంతాలలో పూర్తిగా బ్లాక్‌అవుట్‌ను అమలు చేశారు. ఏప్రిల్ 22న జమ్మూ కాశ్మీర్‌లోని పహల్గామ్‌లో 26 మంది ప్రాణాలను బలిగొన్న ఉగ్రవాద దాడి(Pahalgam terrorist attack)కి ప్రతిస్పందనగా బుధవారం తెల్లవారుజామున, పాకిస్తాన్, పాకిస్తాన్ ఆక్రమిత కాశ్మీర్ (పిఓకె)లోని తొమ్మిది ఉగ్రవాద స్థావరాలపై భారత్ 25 నిమిషాల్లో 24 క్షిపణులను ప్రయోగించింది.