శర్వా38.. భోగి

ఇటీవల ‘ఓదెల2’ చిత్రంతో థియేటర్లలోనూ మల్లన్న జాతర వాతావర ణాన్ని సృష్టించారు డైరెక్టర్ సంపత్ నం ది. తాజాగా తన అప్ కమింగ్ ప్రాజెక్టు ‘శర్వా38’ ప్రాజెక్టు గురించి ఆసక్తికరమైన అప్‌డేట్ ఇచ్చారు. శర్వానంద్ కథానాయకుడిగా సంపత్ నంది ప్రతిష్టాత్మక పాన్-ఇండియా ప్రాజెక్టుగా ‘శర్వా38’ను రూపొందిస్తున్న సంగతి తెలిసిందే.

ఈ సినిమా టైటిల్‌ను తాజా గా రివిల్ చేశారాయన. ఫస్ట్ స్పార్క్  అనే పేరుతో విడుదలైన పవర్ ఫుల్ కాన్సెప్ట్ వీడియో ఇది. ఈ చిత్రానికి ‘భోగి’ టైటిల్ అనే టైటిల్‌ను ఖరారు చేశామని, షూటింగ్ బుధవారమే ప్రారంభించామని ఈ వీడియో ద్వారా ప్రకటించారు. ప్రస్తుతం ఈ సినిమా షూటింగ్ హైదరాబాద్‌లో దాదాపు 20 ఎకరాల విస్తీర్ణంలో నిర్మించిన భారీ సెట్‌లో ప్రారంభమైంది.

ఉత్తర తెలంగాణ సరిహద్దులోని బొగ్గుగుట్ట అనే ఊరిలో 1960లో జరిగే కథగా రూపొందుతున్న ఈ సినిమాలో అనుపమ పరమేశ్వరన్, డింపుల్ హయాతి హీరోయిన్లుగా నటించనున్నారు. శ్రీసత్యసాయి ఆర్ట్స్ బ్యానర్‌పై కేకే రాధామోహన్ ఈ చిత్రాన్ని నిర్మిస్తున్నారు. ఈ చిత్రానికి ఆర్ట్ డైరెక్టర్‌గా కిరణ్ కుమార్ మన్నె పనిచేస్తున్నారు. మిగతా టీమ్ వివరాలను మేకర్స్ త్వరలోనే అనౌన్స్ చేయనున్నారు.