శభాష్ అనుశ్రీ.. ఇంటర్ టాపర్‌కు ఎస్పీ అభినందనలు

మహబూబాబాద్, ఏప్రిల్ 24 (విజయ క్రాంతి): ఇంటర్మీడియట్ 2025 ప్రథమ సంవత్సర ఫలితాల్లో మహబూబాబాద్ జిల్లా పోలీస్ కార్యాలయంలో హోంగార్డుగా విధులు నిర్వహిస్తున్న మాదాసు తిరుపతి కుమార్తె అనుశ్రీ ఎంపీసీ విభాగంలో 468 మార్కులతో స్టేట్ టాపర్ గా నిలిచింది. ఈ మేరకు జిల్లా పోలీస్ కార్యాలయంలో గురువారం ఎస్పీ సుధీర్ రామ్ నాథ్ కేకన్ శాలువాతో సత్కరించి అభినందించారు. భవిష్యత్తులో కూడా ఇదే స్ఫూర్తిని కొనసాగించి ఉన్నత శిఖరాలను అధిరోహించాలని ఆకాంక్షించారు. ఈ కార్యక్రమంలో ఏఆర్ డిఎస్పి శ్రీనివాస్, ఆర్ ఐ లు భాస్కర్, సోములు తదితరులు పాల్గొన్నారు.