వైభవంగా శ్రీ భవాని రామలింగేశ్వర స్వామి 17వ వార్షికోత్సవం

చేగుంట,(విజయక్రాంతి): చేగుంట పట్టణ కేంద్రంలో వెలసిన శ్రీ హనుమాన్, భవాని రామలింగేశ్వర దేవాలయ, 17వ వార్షికోత్సవ వేడుకలు శుక్రవారం అత్యంత భక్తిశ్రద్ధలతో, వైభవంగా ప్రారంభమయ్యాయి. ఆలయ ప్రతిష్ఠాపన జరిగి 17 ఏళ్లు పూర్తయిన సందర్భంగా ఆలయ కమిటీ ఆధ్వర్యంలో విశేష పూజా కార్యక్రమాలను ఏర్పాటు చేశారు. వార్షికోత్సవాన్ని పురస్కరించుకుని ఉదయం నుండే ఆలయంలో వేద మంత్రోచ్ఛారణలు మారుమోగగా, అర్చక స్వాములు గణపతి పూజ, అభిషేకం, హోమం అత్యంత శాస్త్రోక్తంగా నిర్వహించారు. ఈ వేడుకల్లో ప్రధాన ఘట్టమైన శివ పార్వతుల కళ్యాణ మహోత్సవం శ్రీ అయిత పరంజ్యోతి దంపతుల ఆధ్వర్యంలో భక్తుల జయజయధ్వానాల మధ్య కనులపండువగా జరిగింది.