calender_icon.png 30 November, 2025 | 10:49 PM

  • top-fb.png
  • top-tw.png
  • top-insta.png
  • top-yt.png
Breaking News

కోల్ ఇండియా ఇంటర్ కబడ్డీ పోటీల ఫైనల్‌కు ముఖ్య అతిథిగా ఏఐటీయూసీ అధ్యక్షులు వాసిరెడ్డి సీతారామయ్య

30-11-2025 10:03:10 PM

గాయపడ్డ క్రీడాకారుడిని పరామర్శించిన సీతారామయ్య..

కొత్తగూడెం (విజయక్రాంతి): సింగరేణి కాలరీస్ ఆధ్వర్యంలో, కొత్తగూడెం ఏరియా వేదికగా జరుగుతున్న ప్రతిష్ఠాత్మక కోల్ ఇండియా స్థాయి కబడ్డీ పోటీల ,ఫైనల్ మ్యాచ్‌కు గుర్తింపు సంఘం ఏఐటీయూసీ (ఎఐటియుసి) అధ్యక్షులు వాసిరెడ్డి సీతారామయ్య ముఖ్య అతిథిగా హాజరయ్యారు. ఆదివారం సాయంత్రం జరిగిన ఈ ఫైనల్ మ్యాచ్‌ను ఆయన వీక్షించారు. ఈ సందర్భంగా వాసిరెడ్డి సీతారామయ్య మాట్లాడుతూ, క్రీడలు క్రీడాకారుల మానసిక, శారీరక దృఢత్వం కోసం తప్పనిసరి అని అన్నారు. ప్రతి సంవత్సరం క్రీడల నిర్వహణ పట్ల కోల్ ఇండియా కంపెనీలు క్రీడా క్యాలెండర్‌తో ముందుకు రావడం హర్షణీయం అని అన్నారు. గెలిచినా, ఓడినా స్పోర్ట్స్‌మెన్ స్పిరిట్ ఉంటే విజయం ఎప్పటికైనా సాధ్యమవుతుందని క్రీడాకారులను ఉద్దేశించి మాట్లాడారు.

క్రీడాకారులకు ప్రత్యేక సెలవులు మంజూరు చేయాలని డిమాండ్

అండర్‌గ్రౌండ్‌లో ఉద్యోగం కష్టంతో కూడుకున్న పని అని పేర్కొంటూ, క్రీడాకారులకు స్పోర్ట్స్ విషయంలో ఆట వరకు మాత్రమే రిలీఫ్ ఇవ్వడం వల్ల క్రీడాకారులు, రాణించే అవకాశాలు తక్కువగా ఉంటాయని ఆవేదన వ్యక్తం చేశారు. కాబట్టి, క్రీడాకారులను ప్రోత్సహించేందుకు వారికి ప్రత్యేకంగా వేతనంతో కూడిన సెలవులు మంజూరు చేయాలని, కోల్ ఇండియా, సింగరేణి  యాజమాన్యాలను డిమాండ్ చేశారు.

గాయపడ్డ క్రీడాకారుడికి వేతనం చెల్లించడంలో ఆలస్యం వద్దు

ఈరోజు పోటీలో కబడ్డీ ఆడుతూ తీవ్రంగా గాయపడ్డ సింగరేణి టీం క్రీడాకారుడు కార్తీక్ ను తాను సింగరేణి ప్రధాన ఆసుపత్రిలో పరామర్శించడం జరిగిందని, సీతారామయ్య తెలిపారు. గాయపడ్డ క్రీడాకారులకు వేతనం ఇవ్వడంలో ఆలస్యం చేయకుండా, త్వరితగతిన వేతనాలు చెల్లించాలని ఆయన యాజమాన్యానికి విజ్ఞప్తి చేశారు.

స్పోర్ట్స్ సూపర్వైజర్లను వెంటనే నియమించాలి

క్రీడాకారులను అన్ని విధాలుగా ప్రోత్సహించాలని సుమారు పదిహేను సంవత్సరాల క్రితం స్పోర్ట్స్ సూపర్వైజర్లను నియమించారని గుర్తు చేస్తూ, ఇప్పటికైనా స్పోర్ట్స్ సూపర్వైజర్లను నియమించి వారికి మౌలిక వసతులు కల్పించాలని కోరారు.

అనంతరం, హోరాహోరీగా జరిగిన ఈ పోటీలో విజేతగా నిలిచిన డబ్ల్యూసీఎల్  జట్టుకు, రన్నరప్‌గా నిలిచిన సింగరేణి జట్టుకు వాసిరెడ్డి సీతారామయ్య శుభాకాంక్షలు తెలిపారు. ఈ కార్యక్రమంలో గుర్తింపు కార్మిక సంఘం బ్రాంచ్ కార్యదర్శి మల్లికార్జున్, గట్టయ్య, క్రిస్టోఫర్, సుధాకర్,నరసింహారావు, హుమాయూన్, సందేబోయిన శ్రీనివాస్, మధు కృష్ణ, కమల్, ఏ.ఆర్.కె. ప్రసాద్, రాంబాబు, మండల రాజేశ్వరరావు, సాయి పవన్,తోట రాజు,మెంగన్ రవి, బన్ను వెంకటేశ్వర్లు,ప్రేమ కుమార్,  తదితరులు పాల్గొన్నారు.