న్యూఢిల్లీ: ఇద్దరు నాయకుల మధ్య మరోసారి సాన్నిహిత్యం నెలకొనగా, నేడు 75 ఏళ్లు నిండుతున్న సందర్భంగా ప్రధాని నరేంద్ర మోడీకి(Narendra Modi) అమెరికా అధ్యక్షుడు డొనాల్డ్ ట్రంప్(Donald Trump) నుంచి శుభాకాంక్షలు తెలియజేశారు. నా పుట్టినరోజు శుభాకాంక్షలు తెలిపిన మిత్రుడు ట్రంప్ కు ధన్యవాదాలు అంటూ ప్రధాని ఎక్స్  పోస్ట్‌లో  పేర్కొన్నారు. "నా మిత్రుడు, అధ్యక్షుడు ట్రంప్, నా 75వ పుట్టినరోజు సందర్భంగా మీ ఫోన్ కాల్ లో హృదయపూర్వక శుభాకాంక్షలకు ధన్యవాదాలు. మీలాగే, నేను కూడా భారతదేశం-అమెరికా సమగ్ర ప్రపంచ భాగస్వామ్యాన్ని కొత్త శిఖరాలకు తీసుకెళ్లడానికి పూర్తిగా కట్టుబడి ఉన్నాను. ఉక్రెయిన్ వివాదానికి శాంతియుత పరిష్కారం కోసం మీరు చేసే చొరవలకు మేము మద్దతు ఇస్తున్నాము" అని ప్రధాని మోదీ తెలిపారు. దక్షిణ, మధ్య ఆసియాకు అమెరికా అసిస్టెంట్ ట్రేడ్ ప్రతినిధి బ్రెండన్ లించ్ భారతదేశ ప్రధాన వాణిజ్య సంధానకర్త, వాణిజ్య,  పరిశ్రమల మంత్రిత్వ శాఖ ప్రత్యేక కార్యదర్శి రాజేష్ అగర్వాల్‌తో ఢిల్లీలో చర్చలు జరిపిన సందర్భంగా ఈ ఫోన్ కాల్ వచ్చింది.