ఛత్తీస్‌గఢ్‌: ఛత్తీస్‌గఢ్‌లోని బిలాస్‌పూర్ రైల్వే డివిజన్‌లో ఈరోజు ఘోర రైలు ప్రమాదం జరిగింది. కోర్బా వైపు వెళ్తున్న ప్యాసింజర్ రైలు, బొగ్గుతో నిండిన గుడ్స్ రైలు జైరాంనగర్ - కోట్మిసోనార్ మధ్య ఢీకొన్నాయి. ఈ ప్రమాదంలో ప్యాసింజర్ రైలులోని రెండు బోగీలు పూర్తిగా దెబ్బతిన్నాయి. ఆరుగురు ప్రయాణికులు అక్కడికక్కడే మరణించగా, పలువురికి గాయలయ్యాయి. గాయపడిన వారిని బిలాస్‌పూర్ ఆసుపత్రికి తరలించారు.  సమాచారం అందుకున్న రైల్వే పోలీసులు,  రెస్క్యూ, రిలీఫ్ బృందాలు సంఘటనా స్థలంలో సహాయ, సహాయ చర్యలు చేపట్టారు.

ఈ సంఘటనపై ఛత్తీస్‌గఢ్‌ ముఖ్యమంత్రి విచారం వ్యక్తం చేశారు. బాధితులకు ప్రభుత్వం పరిహారం ప్రకటించింది.  రైల్వే శాఖ వెంటనే ఒక వైద్య విభాగాన్ని, డివిజనల్ అధికారులను ప్రమాద స్థలానికి పంపింది. ప్రమాదం తీవ్రత దృష్ట్యా, సీనియర్ అధికారులు ఇప్పటికే బిలాస్‌పూర్ నుండి బయలుదేరారు. రైళ్లు ప్రమాదంలో విద్యుత్ లైన్, సిగ్నల్ వ్యవస్థ దెబ్బతిన్నట్లు సమాచారం.  కోర్బా ప్యాసింజర్ రైలు మొదటి కోచ్ గూడ్స్ రైలుపైకి ఎక్కినట్లు సంఘటన స్థలం నుండి వీడియోలు ప్రస్తుతం సోషల్ మీడియాలో వైరల్ అవుతున్నాయి. ఘటనాస్థలంలో సహాయక చర్యలు కొనసాగుతున్నాయి.