నిజామాబాద్, మే 5 (విజయక్రాంతి) : గత ఏప్రిల్ 7,8, తేదీ లలో బిర్కూర్  నస్రుల్లాబాద్ మండలంలోని దుర్కి, దామరాంచ, అంకోల్, రాంపూర్  సంగ్యం గ్రామాల తోపాటు కామారెడ్డి జిల్లాలోని గాంధారి మండలంలోని గౌరారం గ్రామాలలో కల్తీ కల్లు సంఘటనలు జరిగాయి, కల్తీ కల్లును సేవించడం వలన, పైన పేర్కొన్న ప్రాంతంలోని 83 కంటే ఎక్కువ మంది ప్రాణాపాయ స్థితిలో కొట్టుమిట్టాడుతూ బాధితులు బాన్సువాడ, కామారెడ్డి  నిజామాబాద్ ఆసుపత్రులలో చేరారని జిల్లా కలెక్టర్ రాజీవ్ గాంధీ హనుమంతు తెలిపారు.

నిజామాబాద్ జిల్లా విషయానికి వస్తే, ఇటీవల ఏప్రిల్ 15.న, నిజామాబాద్ రూరల్ పోలీసులు మాదకద్రవ్యాల నేరస్థుల నుండి సుమారు 1086 గ్రాముల ఆల్ప్రజోలంను స్వాధీనం చేసుకున్నట్లు, ఆయన తెలిపారు. మాదకద్రవ్యాల నేరస్థులపై క్రైమ్ నెంబర్ 127/2025 లో కేసు ను ఎక్సైజ్ అధికారులు నమోదు చేశారు. నిజామాబాద్ జిల్లాలో కూడా  కల్తీ కల్లు సరఫరా జరుగుతోంది,కాబట్టి, నిజామాబాద్ జిల్లాలో కల్తీ కల్లుకి వ్యతిరేకంగా అవగాహన కార్యక్రమం జిల్లా యంత్రాంగం చేపట్టింది. 

రాష్ట్ర ఎక్సైజ్ శాఖ డైరెక్టర్ టీజీ ఏఎన్.బి  ఆదేశాల మేరకు, ఆర్ ఎన్ సి సి  నిజామాబాద్ ౄSP ఎం సోమనాథం జిల్లా అధికారులతో సమన్వయ సమావేశానికి హాజరయ్యారు. జిల్లా కలెక్టర్ పోలీస్ కమిషనర్  నిజామాబాద్ ఆధ్వర్యంలో సోమవారం 5.న నిజామాబాద్ జిల్లాలోని 26 మండలాల్లోని 104 గ్రామాల్లో కల్తీ కల్లుపై అవగాహన కార్యక్రమాలు  నిర్వహణకు ఏర్పాటు చేశారు. అక్రమాలకు పాల్పడిన కల్లు నేరస్థులపై క్రిమినల్ కేసులు నమోదు చేశారు.  కల్తీకల్లు సమస్యకు పరిష్కారం ఖై  ఆ యా ప్రాంతాలలో అవగాహన కార్యక్రమాలను నిర్వహిస్తున్నారు. 

ఈ అవగాహన కార్యక్రమాలలో పౌర సంఘాలు, స్వచ్ఛంద సంస్థలు, గ్రామ పంచాయతీ సిబ్బంది, ఆశ వర్కర్స్, లోకల్ పోలీస్ సిబ్బంది, స్వయం సహాయక సంఘాలు/ గ్రామ సమైక్య  మండల సమైక్యలను పాల్గొనేలా అవగాహన బృందాలు ప్రేరేపించాలి. అవగాహన బృందాలు స్థానిక ప్రాథమిక ఆరోగ్య కేంద్ర వైద్యుడు, పోలీసు సబ్ ఇన్స్పెక్టర్, మద్యపాన నిర్మూలన శాఖ, సిబ్బంది గ్రామ కార్యదర్శి మొదలైన వారిని పాల్గొనేలా చేయాలి.. గ్రామంలోని రెండు నుండి మూడు ప్రముఖ ప్రదేశాలలో అవగాహన పోస్టర్లను అతికించాలి. ఎవరికైనా కల్తీ కల్లు డ్రగ్స్ కి సంబందించిన సమాచారం తెలిస్తే, టోల్ ఫ్రీ నం. 1908 కి కాల్ చేసి తెలియజేయాలని అధికారులు ప్రజలను కోరారు.