కుత్బుల్లాపూర్,(విజయక్రాంతి): వేగంగా వస్తున్న కారు, బైక్ ఒకదాని తర్వాత మరొకటి మహిళను ఢీ కొట్టడంతో అక్కడికక్కడే మృతి చెందింది. ఈ ఘటన బాచుపల్లి పోలీస్ స్టేషన్ పరిధిలో జరిగింది.స్థానికులు తెలిపిన వివరాల ప్రకారం మెదక్ జిల్లా రామాయంపేటకు చెందిన రేణుక (43) బాచుపల్లిలోని బోనాలు పండగ సందర్భంగా తన కూతురు ఇంటికి వెళ్తుంది. ఈ క్రమంలోనే బాచుపల్లి విఎన్ఆర్ కాలేజ్ ఎదురుగా రోడ్డు దాటుతుండగా గుర్తుతెలియని బైక్ ఢీకొట్టి తరువాత కారు ఢీ కొట్టడం తో రేణుక అక్కడికక్కడే మృతి చెందింది. పోస్టుమార్టం నిమిత్తం మృతదేహాన్ని గాంధీ ఆసుపత్రి కి తరలించారు. ఈ మేరకు బాచుపల్లి పోలీసులు కేసు నమోదు చేసి దర్యాప్తు చేస్తున్నారు.