రాష్ట్ర మహిళా స్పీడ్ హ్యాండ్‌బాల్ జట్టు ఎంపిక పోటీలు

17-11-2026 | 08:22pm

చిట్యాల, నవంబర్ 17 (విజయ క్రాంతి): చిట్యాల పట్టణంలోని లయోలా టెక్నో స్కూల్ వేదికగా(Loyola Techno School Venue) బుధవారం (నవంబర్ 18) 3వ తెలంగాణ రాష్ట్ర మహిళా స్పీడ్ హ్యాండ్‌బాల్ జట్టు(Telangana State Women’s Speed ​​Handball Team) ఎంపిక పోటీలు నిర్వహించనున్నట్లు నల్గొండ జిల్లా స్పీడ్ హ్యాండ్‌బాల్ అసోసియేషన్ అధ్యక్షుడు మంద వేణుగోపాల్ రెడ్డి మంగళవారం తెలిపారు.

జిల్లా అసోసియేషన్ అధ్యక్షుడు మంద వేణుగోపాల్ రెడ్డి, ప్రధాన కార్యదర్శి ఏలుగు చంద్రశేఖర్ ఆధ్వర్యంలో జరిగే ఈ పోటీలకు వైష్ణవి గ్రూప్ ఆఫ్ స్కూల్స్ హైదరాబాద్ చైర్మన్ మహ్మద్ కబీర్, తెలంగాణ స్పీడ్ హ్యాండ్‌బాల్ అసోసియేషన్ రాష్ట్ర చైర్మన్ డాక్టర్ సుబీర్ ఖాన్, రాష్ట్ర అధ్యక్షుడు డి. గురువేందర్, ప్రధాన కార్యదర్శి బి. పవన్ ముఖ్య అతిథులుగా హాజరుకానున్నారు.

ఈ ఎంపిక పోటీల్లో ఉమ్మడి పది జిల్లాల నుంచి మహిళా క్రీడాకారిణులు, కోచ్‌లు, జిల్లా అసోసియేషన్ ప్రతినిధులు పాల్గొననున్నారు. ఈ పోటీల్లో ప్రతిభ కనబరిచి రాష్ట్ర జట్టుకు ఎంపికైన క్రీడాకారిణులు డిసెంబర్ 23 నుంచి 25 వరకు హిమాచల్ ప్రదేశ్‌లో జరిగే జాతీయ స్థాయి స్పీడ్ హ్యాండ్‌బాల్ టోర్నమెంట్‌లో తెలంగాణ తరఫున ప్రాతినిధ్యం వహించనున్నారు. ఆసక్తి, ప్రతిభ కలిగిన మహిళా క్రీడాకారిణులు ఈ అవకాశాన్ని సద్వినియోగం చేసుకోవాలని మంద వేణుగోపాల్ రెడ్డి కోరారు.

మరిన్ని వార్తలు