నూతనకల్,(విజయక్రాంతి): తెలంగాణ సంస్కృతి సాంప్రదాయాలకు ప్రతీక బతుకమ్మ పండుగ అని మండల కేంద్రంలోని నాగార్జున ఉన్నత పాఠశాల కరస్పాండెంట్ మారగాని వెంకట్ గౌడ్ అన్నారు.శనివారం పాఠశాలలో ముందస్తు బతుకమ్మ పండుగ వేడుకలను ఘనంగా నిర్వహించారు. ఈ సందర్భంగా రంగురంగుల పువ్వులను కోసుకొచ్చి విద్యార్థిని విద్యార్థులచే బతుకమ్మలను పేర్చి గౌరీమాతను నెలకొల్పి బతుకమ్మ సంబరాలను నిర్వహించారు. ఈ కార్యక్రమాన్ని పురస్కరించుకొని కరస్పాండెంట్ మాట్లాడుతూ తెలంగాణ సంస్కృతి సాంప్రదాయాల పట్ల విద్యార్థులకు అవగాహన కల్పించడంతో పాటు భక్తి భావాన్ని పెంపొందించడం కోసమే ఇలాంటి కార్యక్రమాలను నిర్వహిస్తున్నట్లు వారు తెలిపారు.