పాట్నా: బీహార్ అసెంబ్లీ ఎన్నికల(Bihar Assembly elections) చివరి దశ పోలింగ్ ఉదయం 7 గంటలకు ప్రారంభమై సాయంత్రం 5 గంటల వరకు కొనసాగుతుంది. తుది విడతలో 20 జిల్లాల్లో 122 నియోజకవర్గాలలో 1,302 మంది అభ్యర్థుల భవితవ్యాన్ని 3.7 కోట్ల మంది ఓటర్లు నిర్ణయించనున్నారు.  ముఖ్యమంత్రి నితీష్ కుమార్ కేబినెట్‌లోని 12 మంది మంత్రుల భవితవ్యాన్ని రెండో దశ నిర్ణయించనుంది. వీరిలో జెడి(యు) నాయకులు విజేంద్ర యాదవ్ (సుపాల్ అసెంబ్లీ నియోజకవర్గం నుంచి పోటీ చేస్తున్నారు), లేసి సింగ్ (ధమ్‌దాహా), జయంత్ కుష్వాహ (అమర్‌పూర్), సుమిత్ సింగ్ (చకై), మహ్మద్ జమా ఖాన్ (చైన్‌పూర్), షీలా మండల్ (ఫూల్‌పరాస్) ఉన్నారు. బీజేపీకి చెందిన మంత్రులు, దేవి కుమార్ (గయా), దేవి కుమార్ (గయా), దేవి కుమార్ (గయా) నితీష్ మిశ్రా (ఝంఝార్‌పూర్), నీరజ్ బబ్లూ (ఛాతాపూర్), కృష్ణానందన్ పాశ్వాన్ (హర్సిద్ధి). బీహార్ ఎన్నికల మొదటి దశ నవంబర్ 6న జరిగింది. 64.6శాతం పోలింగ్ నమోదైంది. ఈ నెల 14న బీహార్ అసెంబ్లీ ఎన్నికల ఓట్ల లెక్కించనున్నారు. కరకట్ అసెంబ్లీ నియోజకవర్గంలో స్వతంత్ర అభ్యర్థిగా పోటీ చేస్తున్న భోజ్‌పురి గాయకుడు, నటుడు పవన్ సింగ్ భార్య జ్యోతి సింగ్, ప్రజల మద్దతుపై విశ్వాసం వ్యక్తం చేశారు.