హైదరాబాద్: శంషాబాద్ విమానాశ్రయ ప్రాంతంలో బాంబు అమర్చినట్లు కొంతమంది గుర్తు తెలియని వ్యక్తులు ఇమెయిల్ పంపడంతో ఆర్జీఐ విమానాశ్రయంలోని భద్రతా సిబ్బంది ఉలిక్కిపడ్డారు. ఉదయం 6.06 గంటలకు విమానాశ్రయానికి సమాచారం అందింది, ఆ సందేశం భద్రతా సంస్థలకు త్వరగా చేరింది, వారు వెంటనే విమానాశ్రయంలో చుట్టుపక్కల విధ్వంసక నిరోధక తనిఖీలను ప్రారంభించారు. సీఐఎస్ఎఫ్(CISF), స్థానిక పోలీసుల బృందాలు సోదాలు నిర్వహించి, అది ఒక నకిలీ ఇమెయిల్ అని నిర్ధారించాయి.

ప్రోటోకాల్ ప్రకారం... బాంబు బెదిరింపు అంచనా కమిటీని ఏర్పాటు చేసీ ఎస్ఓపీ ప్రకారం అన్ని విధానాలను అనుసరించారు. బెదిరింపు ఒక బూటకమని విమానాశ్రయ అధికారులు తెలిపారు. ఫిర్యాదు ఆధారంగా, ఆర్‌జీఐ విమానాశ్రయ పోలీసులు కేసు నమోదు చేసి దర్యాప్తు ప్రారంభించారు. విమానాశ్రయ కార్యకలాపాలు సాధారణంగా నడుస్తున్నాయని అధికారులు పేర్కొన్నారు.