తెలంగాణ బిల్డింగ్‌ రూల్స్‌లో మార్పులు

హైదరాబాద్: తెలంగాణ బిల్డింగ్‌ రూల్స్‌లో మార్పులు చేస్తూ తెలంగాణ ప్రభుత్వం ఆదివారం జీరో జారీ చేసింది. ట్రాన్స్‌ఫరబుల్‌ డెవలప్‌మెంట్‌ రైట్స్‌ (TDR) వినియోగంపై కీలక మార్పులు చేస్తూ తెలంగాణ భవన నిర్మాణ నియమాలు -2012కు పలు సవరణలను జారీ చేసింది. 10 నుంచి 20 అంతస్తులు నిర్మించే భవనాలకు 3 శాతం టీడీఆర్(TDR), 21 అంతస్తులకుపైగా నిర్మించే భవనాలకు 5 శాతం టీడీఆర్ సవరిస్తూ జీవో జారీ ప్రకటించింది. బిల్డింగ్ పర్మిషన్ సమయంలో 50 శాతం, ఆక్యుపెన్సీ సర్టిఫికెట్ జారీ సమయంలో 50 శాతం టీడీఆర్ సమర్పణ తప్పనిసరి అని ప్రభుత్వం పేర్కొంది. 

ఆ ఉత్తర్వు ప్రకారం... భవన నిర్మాణ నిబంధనలలో సడలింపులు, టీడీఆర్ వినియోగానికి సంబంధించి మెరుగైన వెసులుబాట్లు కల్పించాలని కోరుతూ వివిధ వర్గాల నుండి వచ్చిన విజ్ఞప్తులను ప్రభుత్వం సమీక్షించింది. ఈ అభ్యర్థనలను పరిశీలించిన అనంతరం ప్రభుత్వం కొన్ని సవరణలను ప్రవేశపెట్టినట్లు తెలంగాణ గెజిట్‌లో ప్రచురించబడతాయి. కీలక మార్పులలో ఒకటి ఏమిటంటే, చిమ్నీలు, కూలింగ్ టవర్లు, లిఫ్ట్ మెషీన్ గదులు, నీటి ట్యాంకుల వంటి కొన్ని పనికిరాని భాగాలను మినహాయించి, 21 అంతస్తులు లేదా అంతకంటే ఎక్కువ ఎత్తు కలిగిన నిర్మాణాలను బహుళ అంతస్తుల భవనాలు (High-rise buildings)గా పునర్నిర్వచించడం. 

750 నుండి 2,000 చదరపు మీటర్ల విస్తీర్ణం కలిగిన స్థలాల్లో, 18 నుండి 21 మీటర్ల ఎత్తు గల భవనాలను నిర్మించుకోవడానికి కూడా ఈ సవరణలు అనుమతులను నిర్మాణదారులు టీడీఆర్ ను వినియోగించుకుంటూ, పార్కింగ్, ఇతర నియంత్రణ నిబంధనలను తప్పనిసరిగా పాటించాల్సి ఉంటుంది.  

అంతేకాకుండా, టీడీఆర్ వినియోగం ద్వారా సెట్‌బ్యాక్ నిబంధనలలో సడలింపులను ప్రభుత్వం అనుమతించింది. రోడ్డు విస్తరణ సందర్భాలలో, కనీస నిబంధనలను పాటిస్తూనే సాధారణ (high-rise కాని) భవనాలకు సంబంధించిన సెట్‌బ్యాక్‌లలో సడలింపులు ఇవ్వవచ్చు. అదే సమయంలో, బహుళ అంతస్తుల (high-rise) భవనాల విషయంలో, అన్ని వైపులా కనీసం ఏడు మీటర్ల సెట్‌బ్యాక్‌ను తప్పనిసరిగా పాటిస్తే, అనుమతించదగిన సెట్‌బ్యాక్‌లలో గరిష్టంగా 10 శాతం వరకు సడలింపును అనుమతించవచ్చు.