హైదరాబాద్: ముఖ్యమంత్రి ఎ. రేవంత్ రెడ్డి(CM Revanth Reddy) సోమవారం మధ్యాహ్నం ఢిల్లీకి బయలుదేరి వెళ్లనున్నారు. తెలంగాణలో 42 శాతం బీసీ రిజర్వేషన్ల అంశంపై న్యాయ నిపుణులతో సీఎం చర్చించనున్నారు.  కేంద్ర మంత్రులను కలిసి, పెండింగ్‌లో ఉన్న సమస్యలపై ఒత్తిడి తేవడంతో పాటు, రాష్ట్రానికి అదనపు మొత్తంలో యూరియాను విడుదల చేయాలని సీఎం కేంద్రాన్ని కోరనున్నారు. ఢిల్లీ పర్యటన తర్వాత రేవంత్‌ రెడ్డి బీహార్‌కు వెళ్లనున్నారు. మంగళవారం ‘ఓటు చోరీ’కి వ్యతిరేకంగా తన యాత్రలో భాగంగా సీనియర్ నాయకుడు రాహుల్ గాంధీ  చేపట్టిన పాదయాత్రలో సీఎం రేవంత్ రెడ్డి పాల్గొననున్నారు.