30-08-2025 11:30:12 PM
డ్రైవర్ దుర్మరణం
మరిపెడ,(విజయక్రాంతి): మహబూబాబాద్ జిల్లా ఖమ్మం-వరంగల్ జాతీయ రహదారిపై దంతాలపల్లి వద్ద పెండ్లి బృందంతో వెళ్తున్న ప్రైవేటు బస్సు శనివారం రాత్రి 9 గంటల ప్రాంతంలో అదుపుతప్పి రోడ్డు పక్కన ఉన్న ఇంటి గోడను ఢీ కొట్టింది. ఈ సంఘటనలో డ్రైవర్ దేవేందర్ అక్కడికక్కడే దుర్మరణం పాలయ్యాడు. క్లీనర్ తో పాటు మరో ఇద్దరు తీవ్రంగా గాయపడ్డారు. వరంగల్ కు చెందిన వారంతా ఖమ్మంలో జరిగిన వివాహానికి ప్రైవేటు బస్సులో వెళ్లి తిరిగి వస్తుండగా ఈ ప్రమాదం జరిగింది. ప్రమాదానికి గల కారణాలు తెలియాల్సి ఉంది. గాయపడ్డ వారిని చికిత్స నిమిత్తం ఆసుపత్రికి తరలించి దంతాలపల్లి పోలీసులు కేసు నమోదు చేసుకుని దర్యాప్తు చేపట్టారు.