కరీంనగర్‌లో అగ్నిప్రమాదం

హైదరాబాద్: కరీంనగర్ జిల్లాలో బుధవారం ఉదయం టవర్ సర్కిల్ సమీపంలోని ఒక వస్త్ర షోరూంలో షార్ట్ సర్క్యూట్(Short circuit) కారణంగా భారీ అగ్నిప్రమాదం సంభవించింది. కపిలా డ్రెస్సెస్‌లో(Kapila Dresses) ప్రారంభమైన మంటలు పొరుగున ఉన్న వినాయక ఎంటర్‌ప్రైజెస్ ఫోటోగ్రఫీ షాప్, కానన్ ఫోటోగ్రఫీ దుకాణాలకు వ్యాపించాయి. ఈ అగ్నిప్రమాదంలో షోరూమ్‌లో నిల్వ చేసిన పెద్ద మొత్తంలో దుస్తులు, ఇతర సామగ్రి మంటల్లో పూర్తిగా కాలిపోయాయి. స్థానికుల సమాచారంతో అగ్నిమాపక సిబ్బంది సంఘటనా స్థలానికి చేరుకుని దాదాపు రెండు గంటల పాటు శ్రమించి మంటలను అదుపు చేశారు. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.