హైదరాబాద్: జగిత్యాల జిల్లా(Jagtial District) మెట్‌పల్లిలోని వ్యవసాయ మార్కెట్ యార్డ్ లో ఉన్న పౌర సరఫరాల శాఖ(Civil Supplies Department) గోడౌన్ లో ఆదివారం అగ్నిప్రమాదం సంభవించింది. గోడౌన్ నుండి మంటలు వస్తున్నట్లు గమనించిన స్థానికులు అగ్నిమాపక శాఖ, పోలీసులకు సమాచారం అందించారు. అగ్నిమాపక సిబ్బంది సంఘటనా స్థలానికి చేరుకుని రెండు అగ్నిమాపక వాహనాల ద్వారా మంటలను అదుపు చేశారు. గోడౌన్ లో నిల్వ చేసిన గన్నీ సంచులు పూర్తిగా కాలిపోయాయి. దాదాపు రూ. 9 లక్షల నష్టం జరిగిందని మార్కెట్ కమిటీ చైర్మన్ గోవర్ధన్ తెలిపారు. అగ్నిప్రమాదానికి గల కారణాలు ఇంకా తెలియలేదు.