హైదరాబాద్: రద్దీగా ఉండే జాతీయ రహదారి 44పై శుక్రవారం తెల్లవారుజామున ప్లాస్టిక్ పదార్థాలతో నిండిన ట్రక్కు(Truck catches fire) మంటల్లో చిక్కుకోవడంతో ట్రాఫిక్ స్తంభించిన సంఘటన రంగారెడ్డి జిల్లా శంషాబాద్(Shamshabad flyover)లో చోటుచేసుకుంది. ఈ అగ్ని ప్రమాదంలో ఎటువంటి ప్రాణనష్టం జరగలేదని అధికారులు పేర్కొన్నారు. పోలీసుల కథనం ప ప్రకారం... ట్రక్కు హైదరాబాద్ నుండి బెంగళూరు వైపు వెళుతుండగా ట్రక్కు ముందు భాగంలో అకస్మాత్తుగా మంటలు చెలరేగాయి. మంటలను గమనించిన డ్రైవర్, క్లీనర్ క్యాబిన్ నుండి కిందకు దూకేశారు.

నిమిషాల్లోనే ట్రక్కు మంటల్లో చిక్కుకుంది. మంటలను చూసిన స్థానికులు అందుబాటులో ఉన్న నీటి వనరులతో మంటలను ఆర్పడానికి ప్రయత్నించారు. స్థానికుల సమాచారం అందుకున్న అగ్నిమాపక సిబ్బంది సంఘటనా స్థలానికి చేరుకుని మంటలను ఆర్పారు. తరువాత క్రేన్ సహాయంతో ట్రక్కును హైవే నుండి రోడ్డు పక్కనకు తరలించారు. అగ్ని ప్రమాదం తరువాత, అగ్నిమాపక చర్యలను సులభతరం చేయడానికి హైవేపై వాహనాలను నిలిపివేశారు. దీంతో ప్రయాణికులు ఇబ్బంది పడ్డారు. షార్ట్ సర్క్యూట్ కారణంగా మంటలు చెలరేగి ఉండవచ్చని అగ్నిమాపక అధికారులు పేర్కొన్నారు. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.