ప్రభాస్ నట ప్రస్థానం నేటికి 23 ఏళ్లకు చేరుకుంది. ఈశ్వర్ సినిమాతో మొదలైన ప్రభాస్ సినీ ప్రయాణం బాక్సాఫీస్ వద్ద కొత్త రికార్డులు సృష్టిస్తూ విజయవంతంగా కొనసాగుతోంది. ‘ఈశ్వర్’ నుంచి ‘మిర్చి’ వరకు ప్రభాస్ జర్నీ ఒక ఫేజ్ అయితే, ‘బాహుబలి’తో ఆయన పాన్ ఇండియా జర్నీ ప్రారంభమైంది. ‘బాహుబలి’ రెండు చిత్రాల తర్వాత సాహో, సలార్, కల్కి 2898ఏడీ సినిమాలతో దిగ్విజయంగా వరుస బ్లాక్ బస్టర్స్ అందుకుంటున్నారు రెబల్ స్టార్. ‘బాహుబలి2’, ‘కల్కి 2898 ఏడీ’లతో రెండు సార్లు రూ.వెయ్యి కోట్ల గ్రాస్ సినిమాలను ఖాతాలో వేసుకోవడం ఒక అరుదైన రికార్డు.

ఓవర్‌సీస్ మార్కెట్‌లో 10 మిలియన్లకుపైగా వసూళ్లను సాధించిన తొలి హీరో కూడా ప్రభాస్ కావటం విశేషం. ప్రభాస్ తొలి చిత్రం ‘ఈశ్వర్’ 2022, నవంబర్ 11న ప్రేక్షకుల ముందుకొచ్చింది. ఇదొక ప్రత్యేకమైన రోజుగా గుర్తుంచుకుంటారు రెబల్ ఫ్యాన్స్‌తోపాటు సినీప్రియులు. అయితే, ప్రభాస్ నట ప్రస్థానం 23 ఏళ్లకు చేరుకున్న సందర్భంగా ఆయన కొత్త సినిమా ‘రాజాసాబ్’ నుంచి ఓ ప్రత్యేక పోస్టర్‌ను టీమ్ విడుదల చేసింది. ఈ పోస్టర్‌లో ప్రభాస్ ఆల్ట్రా స్టులిష్ లుక్‌లో సరికొత్త మేకోవర్‌లో ఆకట్టుకుంటున్నారు.

ప్రభాస్ కెరీర్‌లో మరో ప్రతిష్టాత్మక చిత్రంగా తెరకెక్కుతున్న ఈ సినిమా సంక్రాంతి కానుకగా 2026, జనవరి 9న ప్రపంచవ్యాప్తంగా థియేటర్ల ద్వారా విడుదల కానుంది. మరోవైపు ప్రభాస్ భారీ పాన్ ఇండియా సినిమాలు లైనప్ చేసుకున్నారు. ప్రశాంత్ నీల్ దర్శకత్వంలో హోంబలే ఫిలింస్ నిర్మిస్తున్న ‘సలార్ 2’, సందీప్ వంగా దర్శకత్వంలో టీ సిరీస్ నిర్మిస్తున్న ‘స్పిరిట్’, హను రాఘవపూడి దర్శకత్వంలో మైత్రీ మూవీ మేకర్స్ నిర్మిస్తున్న ‘ఫౌజీ’ ప్రభాస్ చేస్తున్న ఆసక్తికరరమైన ప్రాజెక్టులు. వీటితోపాటు వైజయంతీ మూవీస్ నిర్మాణంలో దర్శకుడు నాగ్ అశ్విన్ రూపొందిం చనున్న ‘కల్కి 2’ కూడా ప్రభాస్ లైనప్‌లో ఉంది.