ముంబాయి: మిశ్రమ ప్రపంచ సంకేతాల మధ్య ఫ్రంట్‌లైన్ సూచీలు వరుసగా మూడో రోజు నష్టాల్లో ముగిశాయి. సెన్సెక్స్ 314 పాయింట్లు తగ్గి 84,587 వద్ద ముగియగా, నిఫ్టీ 50 75 పాయింట్లు నష్టంతో 25,884.80 వద్ద స్థిరపడింది. అయితే, మిడ్, స్మాల్-క్యాప్ విభాగాలు మెరుగైన ప్రదర్శన, సానుకూలంగా ముగిశాయి. బిఎస్‌ఇ మిడ్‌క్యాప్ ఇండెక్స్ 0.19%, స్మాల్-క్యాప్ ఇండెక్స్ 0.20% పెరిగింది. 30 షేర్ల సెన్సెక్స్ ప్యాక్‌లో బీఈఎస్, ఎస్బీఐ, టాటా స్టీల్, ఎటర్నల్, రిలయన్స్ ఇండస్ట్రీస్, భారతి ఎయిర్‌టెల్, బజాజ్ ఫిన్‌సర్వ్ మాత్రమే లాభాల్లో ముగియగా, మిగిలినవి నష్టాలను చవిచూశాయి. ట్రెంట్ అత్యధికంగా 2% క్షీణించింది.

తరువాత టాటా మోటార్స్ ప్యాసింజర్ వెహికల్స్, పవర్ గ్రిడ్ కార్ప్, ఇన్ఫోసిస్ ఉన్నాయి. రంగాల పరంగా, నిఫ్టీ ఐటీ, ఆటో, ఎఫ్‌ఎంసిజి మరియు ఆయిల్ & గ్యాస్ 0.6% వరకు పడిపోగా, ఇన్ఫోసిస్, టిసిఎస్, హెచ్‌సిఎల్ టెక్, విప్రో అత్యధికంగా నష్టపోయాయి. మరోవైపు, నిఫ్టీ పీఎస్యూ బ్యాంకులు అత్యధికంగా లాభపడ్డి 1 శాతానికి పైగా పెరిగాయి. నిఫ్టీ మెటల్, ఫార్మా, రియాల్టీ కూడా 0.5% వరకు లాభపడ్డాయి. స్టేట్ బ్యాంక్ ఆఫ్ ఇండియా, కెనరా బ్యాంక్, బ్యాంక్ ఆఫ్ బరోడా, ఇండియన్ బ్యాంక్ వంటి సంస్థలు లాభాల్లో ముందున్నాయి.