వాషింగ్టన్: ఇజ్రాయెల్-ఇరాన్(Israel-Iran conflict) మధ్య నేను మధ్యవర్దిత్వం వహించవచ్చు అని అమెరికా అధ్యక్షుడు డొనాల్డ్ ట్రంప్(US President Donald Trump) అన్నారు. తన కాల్పుల విరమణ అవగాహన వాదనను పునరావృతం చేస్తూ, అమెరికా అధ్యక్షుడు డొనాల్డ్ ట్రంప్ యుద్ధం చేస్తున్న ఇజ్రాయెల్-ఇరాన్‌లు "భారతదేశం, పాకిస్తాన్ లాగా" త్వరలో కాల్పుల విరమణ ఒప్పందాన్ని కుదుర్చుకుంటాయని పేర్కొన్నారు. గత నెలలో జరిగిన సాయుధ పోరాటం తర్వాత భారత్- పాకిస్తాన్(India-Pakistan) మధ్య శాంతి ఒప్పందం కుదుర్చుకున్నట్లు తానే చెప్పుకున్నానని ట్రంప్ తెలిపారు.

కాల్పుల విరమణ ఒప్పందం(Ceasefire Agreement) కోసం ప్రయత్నించింది పాకిస్తాన్ అని చెబుతూ, ట్రంప్ మధ్యవర్తిత్వ వాదనలను భారతదేశం తిరస్కరించిన విషయం తెలిసిందే. ఇజ్రాయెల్, ఇరాన్ తో చర్చల్లో పురోగతి కనిపిస్తోందని అధ్యక్షుడు ట్రంప్ వెల్లడించారు. ఇజ్రాయెల్-ఇరాన్ మధ్య త్వరలో శాంతియుత వాతావరణం నెలకొంటుందన్నారు. నా వల్ల యుద్ధాలు ఆగినా.. నాకు మాత్రం గుర్తింపు లభించలేదని ట్రంప్ సూచించారు. ఇజ్రాయెల్-ఇరాన్ త్వరలో ఒక ఒప్పందం కుదుర్చుకుంటాయని సూచిస్తూ, ట్రంప్ తన సోషల్ మీడియా ప్లాట్‌ఫామ్ ట్రూత్ సోషల్‌లో, “ఇరాన్ -ఇజ్రాయెల్ ఒక ఒప్పందం కుదుర్చుకోవాలి, నేను భారతదేశం- పాకిస్తాన్‌లను కుదుర్చుకున్నట్లే ఒప్పందం కుదుర్చుకుంటాయి” అని రాశారు. ఆ తర్వాత ఆయన భారతదేశం, పాకిస్తాన్ మధ్య సయోధ్య కుదిర్చే విధానాన్ని గురించి రాశారు.