- తెలంగాణలో కొడంగల్ కోనసీమ అయితే హుస్నాబాద్ అంతకు మించి డెవలపైతది

- మూడోతారీఖునాడు సీఎంతో రూ.480.36కోట్ల పనులకు శంకుస్థాపన చేయిస్తున్నం

-బహిరంగ సభకు అందరూ రావాలె

-  మంత్రి పొన్నం ప్రభాకర్

హుస్నాబాద్, నవంబర్ 30 :ముఖ్యమంత్రి రేవంత్ రెడ్డి తన నియోజకవర్గం కొడంగల్ ను కోనసీమగా మారుస్తానని చెప్పారని, తాను హుస్నాబాద్ ను అంతకంటే ఎక్కువగా డెవలప్ చేస్తానని రవాణా, బీసీ సంక్షేమ శాఖ మంత్రి పొన్నం ప్రభాకర్ అన్నారు. తెలంగాణలో దక్షిణాన కొడంగల్ డెవలప్ అయితే ఉత్తరాన హుస్నాబాద్ ను దానిని మించిన ఐకాన్ గా నిలుపుతామన్నా రు. ఈ బృహత్తర లక్ష్య సాధన కోసం ప్రజలు, అన్ని పార్టీల నాయకులు సహకరించాలని కోరారు.

ఈనెల 3న హుస్నాబాద్ లో ముఖ్యమంత్రి రేవంత్ రెడ్డితో రూ.480. 36కోట్ల పనులకు శంకుస్థాపనతోపాటు ప లు అభివృద్ధి పనులకు ప్రారంభోత్సవాలు చేయిస్తామన్నారు. సీఎం పాల్గొనబోయే బహిరంగ సభ, అభివృద్ధి పనుల శంకుస్థాపన ఏర్పాట్లను మంత్రి ఆదివారం సిద్దిపేట కలెక్టర్ హైమావతితో కలిసి పర్యవేక్షించారు. అనంతరం మీడియా సమావేశంలో మాట్లాడారు. ‘సరిగ్గా రెండేండ్ల కింద ఈసమయా నికి పోలింగ్ జరిగింది.

డిసెంబర్ 3న ఫలితాలు వచ్చి, కాంగ్రెస్ ప్రభుత్వం ఏర్పడింది. రెండేండ్ల పాలన పూర్తవుతున్న సందర్భంగా ముఖ్యమంత్రి హుస్నాబాద్కు వస్తున్నారు. హుస్నాబాద్ ప్రజలకు, కాంగ్రెస్ పార్టీని గెలిపించిన తెలంగాణ ప్రజలందరికీ ధన్యవాదా లు తెలుపుతున్నం‘ అని అన్నారు. హుస్నాబాద్ ను మునుపెన్నడూ లేనివిధంగా అభి వృద్ధి చేస్తున్నామన్నారు. ముఖ్యమంత్రి చేతుల మీదుగా రూ. 480.36 కోట్లకు పైగా విలువైన పలు అభివృద్ధి పనులకు శంకుస్థాపనలు, ప్రారంభోత్సవాలు చేయిస్తున్నట్టు చెప్పారు.

‘హుస్నాబాద్ నియోజకవర్గాన్ని ఆ దర్శంగా తీర్చిదిద్దుతాం. ముఖ్యమంత్రి నియోజకవర్గం కొడంగల్ కోనసీమగా మా రితే హుస్నాబాద్ను అంతకు రెట్టింపుగా అభివృద్ధి చేస్తాం,‘ అని అన్నారు. ఈ సంద ర్భం గా నియోజకవర్గానికి అవసరమైన రింగ్ రోడ్డు, కబడ్డీ అకాడమీ, డ్రింకింగ్ వాట ర్ ఫెసిలిటీ, స్టేడియం అభివృద్ధి వంటి మరి న్ని పనులు చేపట్టాలని ముఖ్యమంత్రిని కోరనున్నట్టు తెలిపారు. 250 పడకల ఆసుపత్రి నిర్మాణం, కరీంనగర్-కొత్తపల్లి- హుస్నాబాద్ రోడ్డు ఫేజ్ 1 పనులు, ఎల్లమ్మ చెరువు అభివృద్ధి పనులు వేగంగా జరుగుతున్నాయని మంత్రి తెలిపారు.

భవిష్యత్తు ప్రణాళికలు

ఎల్కతుర్తి జంక్షన్లో అభివృద్ధి పనులు జరుగుతున్నాయని, అక్కడ ఐఐటీ బాసర సెంటర్ ఏర్పాటుకు కృషి చేస్తున్నామని చె ప్పారు. హుస్నాబాద్లో పారిశ్రామిక కారిడార్ కోసం భూమి ఎంపిక జరిగిందని, గౌరవెల్లి కాలువల నిర్మాణానికి నిధుల మం జూరు ప్రక్రియ కొనసాగుతోందని వివరించారు. నియోజకవర్గ అభివృద్ధి కోసం గత శాసన సభ్యుల సలహాలు కూడా తీసుకుంటామని, బీజేపీ, బీఆర్‌ఎస్, సీపీఐ నేతలతో కూడా సంప్రదింపులు జరుపుతున్నామని మంత్రి తెలిపారు.

 సీఎం శంకుస్థాపన చేయనున్న పనులు

రూ. 35 కోట్లతో శాతవాహన యూనివర్సిటీ ఇంజినీరింగ్ కాలేజీ భవనానికి, మౌలి క సదుపాయాలు, రాజీవ్ రహదారి కొత్తపల్లి నుంచి హుస్నాబాద్ వరకు 4 లేన్ల రో డ్డు నిర్మాణం,రూ. 20 కోట్లతో హుస్నాబాద్ మున్సిపాలిటీ అభివృద్ధి పనులు, రూ. 10 కోట్లతో ఉమ్మాపూర్ ఫారెస్ట్లో వాకింగ్ ట్రాక్ సహా అర్బన్ పార్కు ఏర్పాటు, రూ. 8 కోట్ల తో అధునాతన డ్రైవింగ్ ట్రాక్తో కూడిన ఆర్టీ ఏ కార్యాలయం, రూ. 6 కోట్లతో ఇందిరా మహిళా శక్తి బజార్ ఏర్పాటు, గిరిజన గ్రా మాలకు లింక్ రోడ్లు, కోహెడలో యంగ్ ఇం డియా ఇంటిగ్రేటెడ్ రెసిడెన్షియల్ స్కూల్, అడ్వాన్స్ టెక్నాలజీ సెంటర్(ఏటీసీ)కు శంకుస్థాపన చేయిస్తామని వివరించారు. హుస్నా బాద్ లో స్విమ్మింగ్ పూల్, వెటర్నరీ హాస్పిటల్, ఫిష్ మార్కెట్, వెజిటబుల్ మార్కెట్ కు 3వ తేదీ లోపు శాంక్షన్ రాగానే వాటికి కూ డా శంకుస్థాపన చేయిస్తామన్నారు.

ప్రారంభోత్సవాలు, పంపిణీలు

హైదరాబాద్ నుంచి హుస్నాబాద్ కు ఎ క్స్ప్రెస్ బస్సు ప్రారంభంతోపాటు ఇందిరా మహిళా శక్తి కింద మహిళా సంఘాలకు బ స్సులు, 70 మంది ఇంజినీరింగ్ విద్యార్థుల కు సైకిళ్లు పంపిణీ చేస్తామన్నారు. డిసెంబర్ 3వ తేదీ మధ్యాహ్నం జరిగే సభకు నియోజకవర్గంలో ఉన్న ప్రతి ఒక్కరూ హాజరై ముఖ్య మంత్రికిస్వాగతం పలికి, కార్యక్రమా న్ని విజయవంతం చేయాలని మంత్రి విజ్ఞప్తి చేశారు.