* జిల్లా కలెక్టర్ రాహుల్ రాజ్

నార్సింగి /చేగుంట, నవంబర్ 30 :నా ర్సింగి ఎంపీడీవో కార్యాలయంలో గ్రామ పంచాయతీ ఎన్నికల రెండో విడత నామినేషన్ ప్రక్రియ కార్యక్రమాన్ని ఆదివారం కలె క్టర్ రాహుల్ రాజ్ పరిశీలించారు. ఈ సందర్భంగా కలెక్టర్ మాట్లాడుతూ రెండో విడత నామినేషన్ సమర్థవంతంగా నిర్వహిస్తున్నామని, ఈ ప్రక్రియ తూప్రాన్ రెవెన్యూ డివిజ న్ పరిధిలోని మనోహరాబాద్, తూప్రాన్, చేగుంట, నార్సింగి లో మెదక్ రెవెన్యూ డివిజన్ పరిధిలోని మెదక్, రామాయంపేట్, శంకరంపేట్, నిజాంపేట్ మొత్తం ఎనిమిది మండలాలలో కొనసాగుతుంది అన్నారు.

ఆదివారం నుంచి మొదలై మూడు రోజులపాటు నామినేషన్ ప్రక్రియ కొనసాగుతుం దని, ఈ ప్రక్రియ ప్రశాంత వాతావరణంలో నిర్వహించడానికి అన్ని ఏర్పాట్లు చేశామని తెలిపారు. నామినేషన్ వేసే అభ్యర్థులకు నూ తన బ్యాంక్ అకౌంట్ తప్పనిసరి అని, పాత అకౌంట్లు చెల్లవని పేర్కొన్నారు. సర్పంచ్, వార్డు మెంబర్ నామినేషన్ వేసే అభ్యర్థులు నిబంధనలను తప్పనిసరిగా ఆచరించాలని చెప్పారు. కొత్త బ్యాంక్ అకౌంట్లు తెరిచే విషయంలో అన్ని బ్యాంకుల మేనేజర్ల కు ఆదేశాలు జారీ చేశామని అన్నారు.

రిజర్వడ్ స్థానాలలో పోటీ చేసే అభ్యర్థులు కుల ధ్రువీకరణ పత్రం, లేదా ఫామ్ -03 గెజిటెడ్ ఆఫీస ర్స్ డిక్లరేషన్ తప్పనిసరి అని, ఎన్నికల నిబంధనలను అందరూ తప్పక పాటించాలని పేర్కొన్నారు. స్వేచ్ఛాయుత వాతావర ణంలో ఎన్నికల నిర్వహణకు అన్ని ఏర్పాట్లు చేశామని, ఎన్నికల నియమావళిని అంద రూ పాటించి ఎన్నికలు పారదర్శకంగా, శాంతియుతంగా జరపడానికి సహరైంచాలని కలెక్టర్ రాహుల్ రాజ్ కోరారు.

నామినేషన్ కేంద్రాలను పరిశీలించిన అదనపు కలెక్టర్ 

చేగుంట మండలం లో జరుగుతున్న గ్రామ పంచాయతీ రెండో విడత ఎన్నికల నామినేషన్ కేంద్రాలను అదనపు కలెక్టర్ (రెవెన్యూ) నగేష్ ఆదివారం పరిశీలించారు. చేగుంట మండలంలోని ఆర్‌ఓ కేంద్రాలను అదనపు కలెక్టర్ (రెవెన్యూ) సిద్ధంగా ఉంచిన నామినేషన్ పత్రాలు, హెల్ప్ డెస్క్ పరిశీలించి, పలు సూచనలు చేశారు. ఈ కార్యక్రమంలో తాసిల్దార్ శివప్రసాద్, ఎంపీడీఓ చిన్న రెడ్డి,ఎస్ ఐ చైతన్య కుమార్ రెడ్డి, ఏం పీ వో ప్రశాంత్, రెవన్యూ సిబ్బంది తదితరులు వున్నారు.