హైదరాబాద్: ఆంధ్రప్రదేశ్ బీజేపీ అధ్యక్షుడు పి.వి.ఎన్. మాధవ్ తీరుపై బీఆర్ఎస్ వర్కింగ్ ప్రెసిడెంట్ కేటీఆర్ అభ్యంతరం వ్యక్తం చేశారు. గురువారం ఏపీ టీడీపీ మంత్రి నారా లోకేష్ కు మాధవ్ భారతదేశ చిత్రపటాన్ని బహూకరించారు. లోకేష్ కు ఇచ్చిన పటంలో తెలంగాణ లేకపోవడంపై కేటీఆర్ అభ్యంతరం వ్యక్తం చేస్తూ ప్రధానమంత్రి నరేంద్ర మోదీకి ట్వీట్ చేశారు. తెలంగాణ లేని దేశ చిత్రపటాన్ని మాధవ్ లోకేశ్ కు ఇచ్చారని ట్వీటర్ లో రాశారు. మోదీజీ.. తెలంగాణను గుర్తించకపోవడం బీజేపీ అధికార విధానమా..? అని ప్రశ్నించారు. తెలంగాణను తొలగించడంపై బీజేపీ నేతలు క్షమాపణలు చెప్పాలన్నారు. తెలంగాణ అస్థిత్వాన్ని ప్రశ్నార్థకం చేసేలా చిత్రపటం చేశారని, ఇది బీజేపీ అధికారిక అభిప్రాయమా..?, పొరపాటా అనేది స్పష్టత ఇవ్వాలని కేటీఆర్ అడిగారు. పొరపాటైతే తెలంగాణ ప్రజలకు బీజేపీ క్షమాపణలు చెప్పాలి అని డిమాండ్ చేశారు. 

"గౌరవనీయులైన ప్రధానమంత్రి నరేంద్ర మోడీ జీ

మన సాంస్కృతిక గుర్తింపు, చరిత్రలో మనకు సరైన స్థానం మన భౌగోళిక స్థానం కోసం తరతరాలుగా పోరాడుతున్నాము- తెలంగాణ

ఈరోజు, మీ ఆంధ్రప్రదేశ్ రాష్ట్ర బిజెపి చీఫ్ మాధవ్ గారు, ఐక్య ఆంధ్రప్రదేశ్ మ్యాప్‌ను బహుమతిగా ఇచ్చి, తెలంగాణ ఉనికిని విస్మరించడం ద్వారా మా పోరాటాన్ని తక్కువ చేశారు

ఇది పూర్తిగా ఆమోదయోగ్యం కాదు మరియు #తెలంగాణ ప్రజలకు... మన రాష్ట్రానికి, మరియు మన పోరాటానికి, అమరవీరుల త్యాగాలకు మరియు చరిత్రకు స్పష్టమైన నిర్లక్ష్యంగా ప్రతిబింబిస్తుంది

మన చరిత్ర తుడిచివేయబడితే మనం ఏమిటి?!

సర్, ఇది మీ పార్టీ ప్రణాళికను ప్రతిబింబిస్తుందో లేదా రాజకీయ ఎజెండాను ప్రతిబింబిస్తుందో స్పష్టం చేయాలని నేను మిమ్మల్ని అభ్యర్థిస్తున్నాను.

ఇది నిజమైన పర్యవేక్షణ అయితే, మీ పార్టీ నాయకత్వం నుండి #తెలంగాణ ప్రజలకు క్షమాపణ చెప్పాలని నేను డిమాండ్ చేస్తున్నాను."  అని కేటీఆర్ ఎక్స్ లో పోస్టు చేశారు.