న్యూఢిల్లీ: ఢిల్లీ ముఖ్యమంత్రి రేఖాగుప్తా(Delhi CM Attacked) అధికారిక నివాసంలో వారపు 'జన్ సున్‌వై' కార్యక్రమంలో ఆమెపై దాడి చేసిన వ్యక్తిని గుజరాత్‌లోని రాజ్‌కోట్‌కు చెందిన రాజేష్ భాయ్ ఖిమ్జీ భాయ్ సకారియాగా గుర్తించినట్లు ఢిల్లీ  పోలీసు వర్గాలు తెలిపాయి. ఈ విషయంపై ఢిల్లీ పోలీసులు(Delhi Police) గుజరాత్‌లోని తమ అధికారులను సంప్రదించారని ఆ వర్గాలు తెలిపాయి. 41 ఏళ్ల రాజేష్ తాను రాజ్‌కోట్‌కు చెందినవాడినని పోలీసులకు చెప్పాడని కూడా ఆ వర్గాలు తెలిపాయి. దాడికి గల కారణాన్ని తెలుసుకోవడానికి పోలీసులు ఆ వ్యక్తిని విచారిస్తున్నారు. బంధువును జైలు నుంచి విడిపించేందుకు సీఎం సహాయం కోరడానికి వచ్చిన నిందితుడు, వినతిపత్రం ఇచ్చే క్రమంలో సీఎం రేఖ గుప్తాపై దాడి చేశాడు.