జీహెచ్ఎంసీ కార్మికులకు హెల్త్ కిట్స్ పంపిణీ

హైదరాబాద్: గ్రేటర్ హైదరాబాద్ మున్సిపల్ కార్పొరేషన్ ( Greater Hyderabad Municipal Corporation) కార్మికులు, ఉద్యోగులు, స్వయం సహాయక బృందాల (SHGs) కోసం జూలై 23 బుధవారం యూసుఫ్‌గూడలోని కృష్ణకాంత్ పార్క్‌లో జిల్లా ఇన్‌చార్జ్ పొన్నం ప్రభాకర్ ప్రత్యేక వైద్య శిబిరాన్ని ప్రారంభించారు. వైద్య పరీక్షలు, స్క్రీనింగ్‌ల కోసం పెద్ద సంఖ్యలో జీహెచ్ఎంసీ కార్మికులు హాజరయ్యారు. మంత్రి పొన్నం ప్రభాకర్(Minister Ponnam Prabhakar) కార్మికులకు హెల్త్ కిట్‌లను కూడా పంపిణీ చేశారు. ఈ సందర్భంగా మంత్రి పొన్నం మాట్లాడుతూ... జీహెచ్‌ఎంసీ ఆధ్వర్యంలో హైదరాబాద్‌లోని అన్ని ప్రాంతాల్లో ఆరోగ్య శిబిరాలు నిర్వహిస్తామని అన్నారు. తెలంగాణ ముఖ్యమంత్రి రేవంత్ రెడ్డి ఆదేశాల మేరకు ఈ శిబిరాలను ఏర్పాటు చేశామని, ప్రజలు ఆసుపత్రికి వెళ్లాల్సిన అవసరం లేకుండానే వైద్య పరీక్షలు చేయించుకునే అవకాశం కల్పిస్తున్నామని ఆయన పేర్కొన్నారు. హైదరాబాద్‌కు ప్రతిరోజూ సేవలందించే వారి ఆరోగ్యం, శ్రేయస్సును నిర్ధారించడానికి ఈ శిబిరాలు ప్రారంభించబడ్డాయి.