అమరావతి: ఆంధ్రప్రదేశ్‌లోని ప్రతిపక్ష వైఎస్ఆర్ కాంగ్రెస్ పార్టీకి(Yuvajana Sramika Rythu Congress Party) మరో ఎదురుదెబ్బ తగిలింది. పార్టీ సీనియర్ నాయకురాలు, శాసనమండలి డిప్యూటీ చైర్‌పర్సన్ జకియా ఖానమ్ తన అధికారిక పదవికి, పార్టీ సభ్యత్వానికి రాజీనామా(MLC Zakia Khanam Resign ) చేశారు. ఆమె రాజీనామా లేఖను ఆమె వ్యక్తిగత సిబ్బంది శాసనమండలి కార్యాలయానికి అందజేసినట్లు సమాచారం. జకియా ఖానమ్ అన్నమయ్య జిల్లాలోని రాయచోటికి చెందినవారు. జూలై 2020లో గవర్నర్ కోటా కింద శాసనమండలి (Member of the Legislative Council) సభ్యురాలిగా నామినేట్ అయ్యారు.

తరువాత ఆమె శాసనమండలి డిప్యూటీ చైర్‌పర్సన్‌గా ఎన్నికయ్యారు. రాజకీయ వర్గాల సమాచారం ప్రకారం, జకియా ఖానమ్ దాదాపు రెండు సంవత్సరాలుగా వైఎస్ఆర్ కాంగ్రెస్ పార్టీ(YSR Congress Party) నాయకత్వంపై అసంతృప్తిగా ఉన్నట్లు సమాచారం. ఆమె రాజీనామా నిర్ణయం ఈ దీర్ఘకాలిక అసంతృప్తి ఫలితమేనని భావిస్తున్నారు. జకియా ఖానమ్ రాజీనామాతో, వైసీపీని విడిచిపెట్టిన ఎమ్మెల్సీల సంఖ్య మరింత పెరిగింది. ఇప్పటివరకు, మొత్తం ఆరుగురు ఎమ్మెల్సీలు పార్టీకి రాజీనామా చేశారు. ఈ జాబితాలో కర్రి పద్మశ్రీ, పోతుల సునీత, జయమంగళ వెంకట్రమణ, బల్లి కళ్యాణ్ చక్రవర్తి, మర్రి రాజశేఖర్ ఉన్నారు. జకియా ఖానమ్ వైసీపీకి గుడ్ బై చెప్పి  రాష్ట్ర అధ్యక్షురాలు దగ్గుబాటి పురంధేశ్వరి ఆధ్వర్యంలో బీజేపీలో చేరారు.