వర్షాకాలం మొదలవగానే హైదరాబాద్ వంటి మహానగరంతోపాటు గ్రామాలు, పట్టణాల్లో విష జ్వరాలు ప్రజలను వెంటాడుతాయి. డెంగ్యూ, మలేరియా, టైఫాయిడ్‌తో పాటు శ్వాసకోశ సమస్యలు, వైరల్ ఇన్ఫెక్షన్లు రోజురోజుకు  పెరిగిపోతున్నాయి. వైద్యులు చెపుతున్నట్లుగా జాగ్రత్తలు తీసుకుంటే 70 శాతం జ్వరాలను నివారించవచ్చు. నివారణే ఉత్తమ వైద్యం కాబట్టి జాగ్రత్తగా ఉంటే వర్షా కాల జ్వరాల నుంచి రక్షించుకోవచ్చు.

పది ముఖ్య కారణాలు.. జాగ్రత్తలు

1. డెంగ్యూ

కారణం: ఎడీస్ దోమ కాటుతో సోకుతుంది. ఈ దోమలు పగటి పూటే ఎక్కువగా కుడతాయి. కాబట్టి పగటి పూటే ఎక్కువ జాగ్రత్తలు తీసుకోవాలి. ముఖ్యంగా ఇవి మనిషి వెనక నుండి దాడి చేస్తాయి. మోచేతులు, మెడ వెనుక భాగం, కాలి పిక్కలు, చీలమండలం మీద ఎక్కువగా కుడతాయి. ఈ దోమల మీద తెల్లటి చారలు ఉంటాయి. దోమలు కూడా పెద్ద పరిమాణంలో ఉంటాయి. అందుకే వీటిని టైగర్ మస్కిటో అంటారు. 

జాగ్రత్తలు: నీరు నిల్వ ఉండనీయొద్దు. దోమతెరలు, రెపెలెంట్ వాడాలి. పిల్లలు, పెద్దలు శరీరం అంతా కప్పి ఉంటేలా బట్టలు ధరించాలి. 

2. చికున్‌గున్యా

కారణం: ఎడీస్ దోమ కాటు.

లక్షణాలు: ఒక్కసారిగా ఎక్కువ జ్వరం రావడం, తీవ్రమైన కీళ్ల నొప్పి (కొన్ని వారాలు, నెలల పాటు కూడా ఉంటుంది). అలసట, శరీర నిస్సత్తువ

జాగ్రత్తలు: పొడవాటి బట్టలు ధరించాలి. ఇంటి చుట్టూ చెత్త ఉండకుండా చూసుకోవాలి.

3. మలేరియా

కారణం: అనోఫిలిస్ దోమ కాటు.

లక్షణాలు: చక్రాకారంగా జ్వరం (చలితో మొదలై, ఎక్కువ జ్వరం, తరువాత చెమటలు), తలనొప్పి, శరీర నొప్పులు.

జాగ్రత్తలు: నిద్రపోవడానికి ముందు దోమతెరను వాడాలి.

4. టైఫాయిడ్

కారణం: కలుషిత నీరు/ఆహారం.

జాగ్రత్తలు: మరిగించి, చల్లార్చిన నీరు తాగాలి. జంక్‌ఫుడ్, స్ట్రీట్ ఫుడ్ తగ్గించాలి.

5. కలరా/గ్యాస్ట్రోఎంటరైటిస్

కారణం: కలుషిత నీరు.

జాగ్రత్తలు: ఎల్లప్పుడూ శుభ్రమైన నీటిని తాగాలి. తాజాగా వండిన ఆహారం తీసుకోవాలి. బయటి ఆహారాన్ని సాధ్యమైనంతగా తగ్గించాలి. 

6. లెప్టోస్పిరోసిస్

కారణం: వరద నీటిలో జంతు మూత్రం వలన నీటిలో ప్రవేశిస్తాయి. 

జాగ్రత్తలు: వరద నీటిలో నడవకుండా ఉండండి. బూట్లు ధరించండి.

7. వైరల్ జ్వరాలు (ఫ్లూ, కరోనా మొదలైనవి)

కారణం: వైరస్ వ్యాప్తి.

జాగ్రత్తలు: మాస్కులు ధరించాలి. చేతులు తరచూ శుభ్రం చేసుకోవాలి.

8. చర్మ/ఫంగల్ ఇన్ఫెక్షన్లు 

కారణం: తేమ, తడి బట్టలు.

జాగ్రత్తలు: పొడిగా ఉండండి, తడి బట్టలు వెంటనే మార్చండి.

9. కడుపు సమస్యలు (గ్యాస్ట్రిటిస్, ఫుడ్ పొయిజనింగ్)

కారణం: పాడైన ఆహారం, బయటి భోజనం.

జాగ్రత్తలు: తాజా ఆహారం తినండి. నూనె పదార్థాలు తగ్గించండి.

10. రోగనిరోధక శక్తి తగ్గిపోవడం

కారణం: వాతావరణ మార్పులు, పౌష్టికాహారం లోపం.

జాగ్రత్తలు: పండ్లు, కూరగాయలు, పాలు తీసుకోవాలి. సరిపడా నిద్ర పోవాలి. వ్యాయామం చేయాలి.

శ్వాసకోశ సమస్యలు, ఇన్ఫెక్షన్లు ..

హైదరాబాద్ వంటి నగరంలో కాలుష్యం, తేమ కారణంగా ఆస్తమా, అలర్జిక్ రైనిటిస్, బ్రాంకైటిస్ ఎక్కువగా వస్తున్నాయి.

లక్షణాలు: దగ్గు, తుమ్ములు, ఛాతీ బిగుసుకుపోవడం.

జాగ్రత్తలు: ఇళ్లలో ధూళి, ఫంగస్ తొలగించాలి. గాలి శుద్ధి పరికరాలు వాడాలి. పొగ, సిగరెట్‌కు దూరంగా ఉండాలి. డాక్టర్ సలహాతో ఇన్హేలర్లు వాడాలి.

ముఖ్య సూచనలు

-నిల్వ నీరు తొలగించండి, తాగునీటిని మరిగించండి. వీధి ఆహారాన్ని తగ్గించండి

-వృద్ధులు, పిల్లలు, గర్భిణులు ప్రత్యేక జాగ్రత్తలు పాటించాలి

- రెండు రోజులకంటే ఎక్కువ జ్వరం ఉంటే వెంటనే వైద్యులను సంప్రదించండి