న్యూఢిల్లీ: కాంగ్రెస్ నాయకురాలు సోనియా గాంధీ(Sonia Gandhi) అస్వస్థతతో ఢిల్లీలోని సర్ గంగారామ్ ఆసుపత్రిలో(Delhi Ganga Ram hospital) చేర్చినట్లు మంగళవారం వర్గాలు తెలిపాయి. ఆమె ఆరోగ్య పరిస్థితి నిలకడగా ఉందని, ఆమెను ఒక ఛాతీ వ్యాధి నిపుణుడి పర్యవేక్షణలో ఉంచినట్లు వారు పేర్కొన్నారు. ఇది ఒక సాధారణ అడ్మిషన్, కానీ ఆమెకు దీర్ఘకాలిక దగ్గు సమస్య ఉంది, ముఖ్యంగా నగరంలో ఉన్న ఈ కాలుష్యం కారణంగా ఆమె పదేపదే చెకప్‌ల కోసం వస్తుంటారు అని ఒక ఆసుపత్రి వర్గం తెలిపింది. సోనియాగాంధీ సోమవారం సాయంత్రం ఆసుపత్రిలో చేర్చినట్లు వైద్యులు వెల్లడించారు.

కాంగ్రెస్ నాయకురాలు సోనియా గాంధీ ఢిల్లీలోని గంగా రామ్ ఆసుపత్రిలో చేరారనే వార్తలపై ఉప ముఖ్యమంత్రి డి.కె. శివకుమార్ మాట్లాడుతూ, "ప్రస్తుతానికి అధికారిక ధృవీకరణ లేదు. ఇది మీడియాలో మాత్రమే నివేదించబడుతోంది. ఆమె త్వరగా కోలుకోవాలని మేము కోరుకుంటున్నాము. మా ప్రార్థనలు మేడమ్ తో ఉన్నాయి. ఆమె దీర్ఘ, ఆరోగ్యకరమైన జీవితాన్ని ఆస్వాదిస్తారని మేము ఆశిస్తున్నాము. సంక్షోభ సమయాల్లో ఆమె ఎల్లప్పుడూ కాంగ్రెస్ పార్టీకి అండగా నిలిచింది. బలమైన నాయకత్వం, మార్గదర్శకత్వాన్ని అందించింది. మా పూర్తి బలం, మద్దతు ఆమెకు, పార్టీకి ఉంది." అని శివకుమార్  తెలిపారు.