మండల యువజన కాంగ్రెస్ అధ్యక్షుడిగా శ్రీరామ్ వెంకటేష్ పునర్నియామకం

భిక్కనూర్,(విజయక్రాంతి): బిక్కనూర్ మండల యువజన కాంగ్రెస్ అధ్యక్షుడిగా శ్రీరామ్ వెంకటేష్‌ను మరోసారి నియమిస్తూ తెలంగాణ రాష్ట్ర యువజన కాంగ్రెస్ అధ్యక్షుడు జక్కిడి శివచరణ్ రెడ్డి ఉత్తర్వులు జారీ చేశారు. రెండోసారి బాధ్యతలు అప్పగించడంతో శ్రీరామ్ వెంకటేష్ హర్షం వ్యక్తం చేశారు. ఈ సందర్భంగా ఆయన మాట్లాడుతూ.. తనపై నమ్మకం ఉంచి అవకాశం కల్పించిన రాష్ట్ర ప్రభుత్వ సలహాదారుడు షబ్బీర్ అలీకి ప్రత్యేక కృతజ్ఞతలు తెలిపారు.

అలాగే తన నియామకంలో కీలక పాత్ర పోషించి మద్దతుగా నిలిచిన జిల్లా యువజన కాంగ్రెస్ అధ్యక్షుడు మధుసూదన్‌కు ధన్యవాదాలు తెలిపారు. మండలంలోని యువతను ఏకం చేసి కాంగ్రెస్ పార్టీని క్షేత్రస్థాయిలో మరింత బలోపేతం చేసేందుకు కృషి చేస్తానని శ్రీరామ్ వెంకటేష్ తెలిపారు. ఆయన నియామకంపై మండల కాంగ్రెస్ శ్రేణులు హర్షం వ్యక్తం చేశాయి.