హైదరాబాద్: కరీంనగర్ జిల్లా(Karimnagar District) భీమదేవరపల్లి మండలం వంగరలోని తెలంగాణ రెసిడెన్షియల్ స్కూల్(Telangana Residential School)లో పదో తరగతి విద్యార్థిని వనం శ్రీవర్ష (14) ఆత్మహత్య చేసుకుంది. పాఠశాల అధికారులు తెలిపిన వివరాల ప్రకారం... శుక్రవారం ఉదయం అసెంబ్లీకి హాజరు కాని శ్రీవర్ష్, ఇతర విద్యార్థులు ఆమె కోసం వెతుకుతున్నప్పుడు హాస్టల్‌లో ఉరివేసుకుని కనిపించింది.

పాఠశాల సిబ్బంది అక్కడికి చేరుకునే సమయానికి విద్యార్థిని చనిపోయింది. హుజురాబాద్ మండలం(Huzurabad Mandal) రంగాపూర్ కు చెందిన శ్రీవర్ష్ గురుకులం పాఠశాలలో పదో తరగతి చదువుతోంది. దీపావళి పండగ సెలవుల తర్వాత శ్రీవర్ష గురువారం తిరిగి పాఠశాలకు వెళ్లింది. ఉదయం ఆమె తన తల్లిదండ్రులకు ఫోన్ చేసి ఇంటికి తీసుకెళ్లమని కోరినట్లు తొటి విద్యార్థులు తెలిపారు. పాఠశాల సిబ్బంది సమాచారంతో ఘటనాస్థలికి చేరుకున్న పోలీసులు కేసు నమోదు చేసుకుని దర్యాప్తు ప్రారంభించారు. మృతదేహాన్ని పోస్టుమార్టం నిమిత్తం ఆసుపత్రికి తరలించినట్లు పోలీసులు పేర్కొన్నారు.