భారత్‌ని ఆ వర్గాల హెచ్చరికలు

అప్రమత్తమైన భద్రతా బలగాలు

న్యూఢిల్లీ, డిసెంబర్28:  జమ్మూ ప్రాంతంలో 30 మందికి పైగా పాక్ ఉగ్రవాదులు ఉన్నట్లు నిఘా వర్గాలు పేర్కొన్నాయి. దీంతో భద్రతా బలగాలు అలర్ట్ అయ్యాయి. ఉగ్ర స్థావరాలను గుర్తించడానికి భద్రతా దళాలు కొండలు, అడవులు, అడవులు, మారుమూల లోయల్లో గాలింపు చర్యలు చేపట్టిన ట్లు అధికారులు వెల్లడించారు. ఉగ్రవాదులను ట్రాక్ చేయడానికి డ్రోన్లు, థర్మల్ ఇమే జర్లు, గ్రైండ్ సెన్సార్లను మోహరించినట్లు అధికారులు తెలిపారు. జమ్మూలో ఉష్ణోగ్రతలు తీవ్రంగా పడిపోవడంతో ఉగ్రవాదు లపై నిరంతర నిఘా కోసం పర్వత ప్రాంతా ల్లో తాత్కాలిక నిఘా స్థావరాలు ఏర్పాటు చేస్తున్నట్లు తెలిపారు.

మరోవైపు జమ్మూ కశ్మీర్‌లో మంచు కురుస్తుండడంతో ఉగ్రవాదులు ఇదే అదనుగా భావించి ఉగ్రమూకలు అంతర్జాతీయ సరిహద్దును దాటుకుని దేశంలోకి చొరబడేందుకు ప్రయత్నాలు చేస్తు న్నాయని సరిహద్దు దళం బీఎస్‌ఎఫ్ అధికారి వెల్లడించారు. అయితే ఆ ప్రయత్నా లను తమ దళాలు తిప్పికొడుతున్నాయని పేర్కొన్నారు. నిరంతరం ఒడిదుడుకులకు గురవుతున్నా ఉగ్రవాదులు కిష్త్వార్, దోడాలోని ఎత్తున, మధ్య పర్వత ప్రాంతాలకు తర లివెళ్లారని రక్షణ, నిఘా వర్గాలు చెబుతున్నాయి. ఇక్కడ పౌర ఉనికి తక్కువగా ఉం టుంది. గడ్డకట్టే చలి ఉండే చలికాలంలో ఎవ్వరూ  గుర్తించరని, అలాగే తిరిగి సన్నద్ధమయ్యే అవకాశం కూడా ఉంటుందని పే ర్కొంటున్నాయి. అయితే జమ్మూ కాశ్మీర్ పోలీసులు, సీఆర్‌పీఎఫ్, స్పెషల్ ఆపరేషన్స్ గ్రూప్, ఫారెస్ట్ గార్డులు, విలేజ్ డిఫెన్స్ గార్డలతో సమన్వయంతో ఆపరేషన్లు నిర్వహి స్తున్నారు.