యశోద హాస్పిటల్స్ సరికొత్త చరిత్ర

12 ఏళ్ల బాలుడికి విజయవంతంగా ఊపిరితిత్తుల మార్పిడి

హైదరాబాద్, నవంబర్ 18(విజయక్రాంతి): ప్రపంచ ఆర్గాన్ ట్రాన్స్‌ప్లాంట్ చరిత్ర లో యశోద హాస్పిటల్స్ కొత్త అధ్యాయాన్ని ప్రారంభించింది. ప్రమాదవశాత్తూ పారాక్వాట్ పాయిజన్ (విషపూరితమైన కలుపు మందు) తాగిన అతి పిన్న వయస్కుడికి ప్రపంచంలోనే మొదటిసారిగా విజయవంతంగా ఊపిరితిత్తుల మార్పిడి చేసి సరికొత్త చరిత్ర నృష్టించింది. పెద్దపల్లిజిల్లా ఓదెల గ్రామానికి చెందిన రైతు సతీష్‌కుమార్, సుమలతల కుమారుడు ఆరవ తరగతి చదువుతు న్న 12 ఏళ్ల అనురాగ్ సందీప్ ప్రమాదవశా త్తూ పారాక్వాట్ పాయిజన్ తాగి ప్రాణాపా యస్థితికి గురయ్యాడు.

ప్రపంచంలోనే తొలిసారిగా పారాక్వాట్ విషాన్ని ప్రమాదవశాత్తు సేవించిన అతి పిన్న వయస్కుడికి యశోద హాస్పిటల్స్ ద్విపార్శ్వ లోబార్ ఊపిరితిత్తుల మార్పిడిని విజయవంతంగా నిర్వ హించింది. యశోద హాస్పిటల్స్ డైరెక్టర్ డాక్టర్ పవన్ గోరుకాంతి మాట్లాడుతూ, ‘అనురాగ్ సందీప్ మెరుగైన చికిత్స కోసం ప్రాణాంతక స్థితిలో యశోద హాస్పిటల్-సోమాజిగూడకు వచ్చాడు‘ అని అన్నారు.

యశోద హాస్పిటల్స్ పల్మనరీ స్పెషలిస్ట్ల బృందం - డాక్టర్ విశ్వేశ్వరన్ బాలసుబ్రమణియన్, డాక్టర్ చేతన్ రావు, డాక్టర్ పంక్తి సేథ్, డాక్టర్ రమ్య రెడ్డి మరియు ఊపిరితిత్తుల మార్పిడి సర్జన్లు డాక్టర్ కెఆర్ బాలసుబ్రమణియన్, డాక్టర్ మంజునాథ్ బేల్ - యశోద హాస్పిటల్స్-హైటెక్ సిటీలో ద్వైపాక్షిక లోబార్ ఊపిరితిత్తుల మార్పిడిని నిర్వహించారు. 2 వారాల పాటు ఈసీఎంఓ మద్దతు పొందిన తర్వాత, ఎటువంటి మెరుగుదల లేకపోవడంతో, రోగికి ఊపిరితిత్తుల మార్పిడిని పరిగణించినట్లు డాక్టర్ విశ్వేశ్వరన్ బాలసుబ్రమణియన్ తెలిపారు.