మునగాల: ద్విచక్ర వాహనంపై వెళుతున్న యువకుడు డివైడర్ ను ఢీకొని అక్కడికక్కడే మృతి చెందిన ఘటన మండలంలోని ఆకుపాముల గ్రామ శివారులో మంగళవారం జరిగింది. మునగాల ఎస్సై ప్రవీణ్ కుమార్(SI Praveen Kumar) తెలిపిన వివరాల ప్రకారం... కొమరబండ గ్రామానికి చెందిన షేక్ ఇమామ్(20) అనే యువకుడు తన స్నేహితుడి బైక్ తీసుకొని దానిపై తన గ్రామం నుండి వరంగల్ కు బయలుదేరాడన్నారు. ఈ క్రమంలో ఆకుపాముల గ్రామ శివారులో గల మాంటిసోరి ప్రైమ్ స్కూల్ వద్దకు రాగానే అతివేగంగా వెళ్తున్న బైక్ అదుపుతప్పి డివైడర్ ను ఢీకొట్టిందన్నారు. దీంతో తీవ్రగాయాలైన ఇమామ్ అక్కడికక్కడే మృతి చెందాడన్నారు. ఇదే విషయమై మృతుడి తండ్రి బడేసాహెబ్ ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్ఐ తెలిపారు.