మోస్ట్ వాంటెడ్ ఉగ్రవాది ఖతం!

18-11-2026 | 11:25am

కశ్మీర్‌లో భారీ ఎన్‌కౌంటర్.. లష్కరే కమాండర్ లతీఫ్ భట్ హతం!

శ్రీనగర్: జమ్మూకశ్మీర్‌లో ఉగ్రవాదుల ఏరివేత కొనసాగుతోంది. భద్రతా బలగాలు చేపట్టిన Counter Terror Operationలో లష్కరే తోయిబా (LeT)కు చెందిన కీలక కమాండర్ లతీఫ్ భట్ హతమయ్యాడు. కుల్గామ్ జిల్లాలో బుధవారం తెల్లవారుజామున జరిగిన Encounterలో అతడిని భద్రతా బలగాలు మట్టుబెట్టాయి. ఈ పరిణామం భద్రతా వర్గాల్లో కీలకంగా మారింది. వివరాల్లోకి వెళ్తే.. కుల్గామ్ జిల్లాలో ఉగ్రవాదుల కదలికలపై సమాచారం అందడంతో భద్రతా బలగాలు తెల్లవారుజామున Search Operation ప్రారంభించాయి. ఈ క్రమంలో ఉగ్రవాదులకు, భద్రతా సిబ్బందికి మధ్య ఎదురుకాల్పులు చోటుచేసుకున్నాయి. ఈ Gun Battleలో లష్కరే తోయిబా టాప్ కమాండర్ లతీఫ్ భట్ హతమైనట్లు అధికారులు వెల్లడించారు. 

కాగా, నవంబర్ 11న కుల్గామ్‌లో CRPF సిబ్బందిపై జరిగిన దాడిలో లతీఫ్ భట్‌తో పాటు మరో ఉగ్రవాది ఉమర్ నిసార్ దార్ కూడా పాల్గొన్నట్లు అధికారులు తెలిపారు. ఆ దాడిలో ముగ్గురు పారామిలటరీ సిబ్బంది గాయపడ్డారు. అప్పటి నుంచి ఈ దాడికి పాల్పడిన ఉగ్రవాదుల కోసం భద్రతా బలగాలు గాలింపు చర్యలు కొనసాగిస్తున్నాయి. తాజా Encounterతో లష్కరే తోయిబాకు చెందిన కీలక కమాండర్ హతమయ్యాడు. మరో ఉగ్రవాది ఉమర్ నిసార్ దార్ పరిస్థితిపై మాత్రం తాజా సమాచారం వెల్లడికాలేదు. కుల్గామ్‌లో భద్రతా బలగాల ఆపరేషన్‌తో ఉగ్రవాద కార్యకలాపాలపై మరోసారి కఠిన చర్యలు కొనసాగుతున్నట్లు స్పష్టమవుతోంది.

మరిన్ని వార్తలు