ఎఐఎస్ఎఫ్ డివిజన్ కార్యదర్శి వట్టేపు శివ కుమార్..

దేవరకొండ: దేవరకొండ పట్టణ కేంద్రంలో ఎఐఎస్ఎఫ్ 90వ ఆవిర్భావ దినోత్సవ వేడుకలను మంగళవారం ఘనంగా నిర్వహించారు. ఈ సందర్బంగా ఎఐఎస్ఎఫ్ డివిజన్ కార్యదర్శి వట్టేపు శివ(AISF Division Secretary Vattepu Shiva Kumar) అరుణ పతాకాన్ని ఎగురవేశారు. అనంతరం వారు మాట్లాడుతూ, భారత దేశ స్వాతంత్య్రమే లక్ష్యంగా దేశ స్వాతంత్య్రం మా జన్మహక్కు అని 1936 ఆగస్టు 12న ఉత్తరప్రదేశ్ లోని లక్నోలో అఖిల భారత విద్యార్థి సమాఖ్య(ఎఐఎస్ఎఫ్) ఆవిర్భవించిందని తెలిపారు. 

90 సంవత్సరాల సుదీర్ఘ చరిత్ర కలిగిన ఎఐఎస్ఎఫ్ ఉద్యమ స్పూర్తితో నేటి పాలకులు అవలంభిస్తున్న విద్యా వ్యతిరేక విధానాలపై, ప్రభుత్వ విద్య పరిరక్షణకై, అసమానతలతో కూడిన నూతన జాతీయ విద్యా విధానంకు వ్యతిరేకంగా, విద్యారంగ సమస్యల పరిష్కారం కోసం విద్యార్థులు పోరాటాలు నిర్వహించాలని పిలుపునిచ్చారు. ఈ కార్యక్రమంలో ఏఐఎస్ఎఫ్ నాయకులు కొమ్ము భాను, దాసరి శివ, సైదులు, నారిమల్ల స్టాలిన్, హన్మంత్, వినయ్, మహేష్, కిరణ్, మధు, అనూష తదితరులు పాల్గొన్నారు.