హైదరాబాద్: జూబ్లీహిల్స్‌లో కాంగ్రెస్ అభ్యర్థి నవీన్ యాదవ్‌కు(Congress candidate Naveen Yadav) భారీ విజయాన్ని అందించాలని మాజీ ఎంపీ, కాంగ్రెస్ సీనియర్ నాయకుడు అజారుద్దీన్ ఓటర్లకు విజ్ఞప్తి చేశారు. షేక్‌పేటలో నవీన్ యాదవ్‌తో కలిసి ప్రచారం చేస్తున్న అజారుద్దీన్(Mohammad Azharuddin), ముస్లిం నాయకులతో కలిసి కాంగ్రెస్ పార్టీ చేపట్టిన సంక్షేమ పథకాలు, అభివృద్ధి కార్యక్రమాలను ప్రజలకు వివరించారు. జూబ్లీహిల్స్‌ నియోజకవర్గంలో దాదాపు రూ. 200 కోట్ల విలువైన అభివృద్ధి ప్రాజెక్టులు ప్రారంభించబడ్డాయని మంత్రి వివేక్(Minister Vivek) పేర్కొన్నారు. పలువురు సీనియర్, స్థానిక కాంగ్రెస్ నాయకులు ఈ ప్రచారంలో పాల్గొని, నిరంతర వృద్ధి, పురోగతి కోసం నవీన్ యాదవ్‌కు మద్దతు ఇవ్వాలని ప్రజలను కోరారు.  జూబ్లీహిల్స్‌లో జెండా పాతాలని అధికార కాంగ్రెస్, బీఆర్ఎస్ పార్టీ తీవ్రంగా శ్రమిస్తున్నాయి. అటు బీజేపీ కూడా ప్రచారంలో దూసుకుపోతుంది.