కోదాడ: కోదాడ నియోజకవర్గం అనంతగిరి మండల పరిధిలోని గొండ్రియాల గ్రామానికి చెందిన కిన్నెర ఉపేందర్(30) సంవత్సరాల యువకుడు గురువారం పాలేరు వాగులో ముగ్గురు వ్యక్తులు పందెం కాసుకొని ఇద్దరు వ్యక్తులు బ్రిడ్జి పైనుండి వాగులోకి దూకగా ఒక వ్యక్తి బ్రిడ్జిపైనే ఉన్నాడు. దూకిన ఇద్దరి వ్యక్తులలో ఒక వ్యక్తి పైకి రాగలిగాడు కిన్నెర ఉపేందర్ అనే వ్యక్తి దూకిన మరుక్షణమే కనిపించకుండా వాగులో గల్లంతైన విషయం తెలిసిందే.

గత మూడు రోజులుగా ఎన్డిఆర్ఎఫ్ బృందాలు, పోలీస్ బృందాలు గాలింపు చర్యలు చేపట్టారు.అయినా సరే ఆచూకీ లభ్యం కాలేదు శనివారం ఉదయం రైతులు పోలాలకు వెళుతుండగా గొండ్రియల బ్రిడ్జికి కూత వేటు దూరంలో మృతదేహం తేలడం గమనించి గ్రామ ప్రజలకు తెలపగా వారు పోలీసు వారికి సమాచారం అందించి మృతదేహాన్ని వాగులో నుండి బయటకు తీశారు.