ముత్తారంలో ఘనంగా కాంగ్రెస్ పార్టీ 141 వ్యవస్థాపక దినోత్సవం

ముత్తారం,(విజయక్రాంతి): ముత్తారం మండల కేంద్రంలో కాంగ్రెస్ పార్టీ 141వ వ్యవస్థాపక దినోత్సవాన్ని పురస్కరించుకుని మండల కాంగ్రెస్ పార్టీ ఆధ్వర్యంలో ఆదివారం మండలంలోని 15 గ్రామపంచాయతీలలో కాంగ్రెస్ పార్టీ జెండా ఆవిష్కరణ కార్యక్రమాన్ని ఘనంగా నిర్వహించారు. ఈ సందర్భంగా కాంగ్రెస్ పార్టీ జెండాను ఆవిష్కరించిన అనంతరం నాయకులు మాట్లాడుతూ.. దేశ స్వాతంత్య్ర పోరాటంలో కాంగ్రెస్ పార్టీ కీలక పాత్ర పోషించిందని, ప్రజాస్వామ్యం, సామాజిక న్యాయం, సమానత్వం కోసం కాంగ్రెస్ పార్టీ ఎప్పటికీ కట్టుబడి ఉంటుందని వారు పేర్కొన్నారు. ప్రజా సమస్యల పరిష్కారానికి కాంగ్రెస్ పార్టీ నిరంతరం పోరాటం చేస్తుందని తెలిపారు. కాంగ్రెస్ పార్టీ ఆశయాలను ప్రజల్లో మరింత విస్తృతంగా తీసుకెళ్లేందుకు ప్రతి కార్యకర్త కృషి చేయాలని కాంగ్రెస్ పార్టీ నాయకులు పిలుపునిచ్చారు.