కొచ్చి: లైంగిక దాడి యత్నం కేసులో నిన్న రాత్రి ఆలస్యంగా అరెస్టు అయిన ప్రముఖ మలయాళ చిత్ర దర్శకుడు, నిర్మాత రంజిత్ బాలకృష్ణన్‌ను(Director Ranjith remanded) కోర్టు బుధవారం జ్యుడిషియల్ కస్టడీకి పంపింది. మేజిస్ట్రేట్ నివాసంలో హాజరుపరచబడిన రంజిత్‌ను 14 రోజుల పాటు జ్యుడీషియల్ రిమాండ్‌కు పంపినట్లు ఆయన న్యాయవాది తెలిపారు. ఒక సినిమా సెట్‌లో తనపై లైంగిక దాడికి యత్నించాడని ఆరోపిస్తూ యువనటి దాఖలు చేసిన ఫిర్యాదు మేరకు, మంగళవారం సాయంత్రం ఇడుక్కి జిల్లాలో(Idukki district) అతన్ని పోలీసులు అదుపులోకి తీసుకున్నారు. 

అతన్ని మొదట తొడుపుళ పోలీస్ స్టేషన్‌కు తీసుకువెళ్లి, ఆ తర్వాత కొచ్చి పోలీసులకు అప్పగించారు. అతని అరెస్టు నమోదు చేసిన తర్వాత, మేజిస్ట్రేట్ ముందు హాజరుపరిచే ముందు వైద్య పరీక్ష కోసం అతన్ని తీసుకువెళ్లారు.  పోలీసుల ప్రకారం, ఒక సినిమా షూటింగ్ సమయంలో దర్శకుడు తనను క్యారవాన్‌కు పిలిచి, లైంగిక దాడికి యత్నించాడని ఆ నటి ఆరోపించారు. రంజిత్‌పై కొచ్చి నగర పోలీసులు కొన్ని రోజుల క్రితం కేసు బుక్ చేశారు. ఆ మహిళా నటి వాంగ్మూలాన్ని సోమవారం నాడు మహిళా పోలీస్ స్టేషన్‌లో రికార్డు చేశారు. దీని తర్వాత, పోలీసులు రంజిత్‌ను అరెస్టు చేశారు. మలయాళ చిత్ర పరిశ్రమలో వేధింపులు, దుర్వినియోగంపై జస్టిస్ కె హేమ కమిటీ నివేదికలోని వెల్లడింపుల నేపథ్యంలో రంజిత్ గతంలో లైంగిక వేధింపుల ఆరోపణలను ఎదుర్కొన్నారు. 

2024లో ఒక బెంగాలీ నటి కొచ్చి నగర పోలీస్ కమిషనర్‌కు(Kochi City Police Commissioner) ఫిర్యాదు చేసిన తర్వాత, రంజిత్‌పై ఒక కేసు నమోదైంది. 2009లో 'పాలేరి మాణిక్యం' చిత్రంలో నటించేందుకు ఆహ్వానించిన తర్వాత రంజిత్ లైంగిక ఉద్దేశంతో తనను అసభ్యకరంగా తాకినట్లు ఈమెయిల్ ద్వారా పంపిన ఫిర్యాదులో ఆరోపించారు. 2009లో జరిగినట్లు ఆరోపించబడిన నేరాన్ని బెయిలబుల్ నేరంగా పరిగణించే విషయాన్ని పరిశీలిస్తున్నట్లు పోలీసులు పేర్కొన్న నేపథ్యంలో ఆయన దాఖలు చేసిన ముందస్తు బెయిల్ పిటిషన్‌ను కేరళ హైకోర్టు కొట్టివేసింది.