జార్ఖండ్‌, పశ్చిమబెంగాల్ లో 40 చోట్ల ఈడీ తనిఖీలు 

బొగ్గుమాఫియా కేసులో కీలక పరిణామం

రాంచీ: ఎన్‌ఫోర్స్‌మెంట్ డైరెక్టరేట్ రాంచీ జోనల్ కార్యాలయం జార్ఖండ్‌లోని 18 ప్రదేశాలలో సోదాలు నిర్వహిస్తోంది. ఈడీ దాడులు బొగ్గు మాఫియా, అక్రమ బొగ్గు రవాణాకు సంబంధించిన అనేక ప్రధాన కేసులకు సంబంధించినవి. అనిల్ గోయల్, సంజయ్ ఉద్యోగ్, ఎల్బీ సింగ్, అమర్ మండల్ కేసులను ఈడీ కవర్ చేస్తుంది. పశ్చిమ బెంగాల్‌లలో బొగ్గు మాఫియాపై సమన్వయంతో కూడిన మనీలాండరింగ్ కేసులో ఎన్‌ఫోర్స్‌మెంట్ డైరెక్టరేట్ శుక్రవారం సోదాలు నిర్వహించిందని అధికారిక వర్గాలు తెలిపాయి. బొగ్గు మాఫియాతో ప్రభుత్వానికి వందల కోట్ల రూపాయల ఆర్థిక నష్టం వాటిల్లిందని అధికారులు అంచనా వేస్తున్నారు. పశ్చిమ బెంగాల్‌లోని దుర్గాపూర్, పురులియా, హౌరా, కోల్‌కతా జిల్లాల్లోని 24 ప్రాంతాల్లో ఆడీ సోదాలు నిర్వహిస్తోంది. అక్రమ బొగ్గు తవ్వకం, అక్రమ రవాణా, బొగ్గు నిల్వ కేసుకు సంబంధించి అధికారులు ఈ సోదాలు జరిగాయి. జార్ఖండ్, పశ్చిమ బెంగాల్‌లోని బొగ్గు మాఫియాకు వ్యతిరేకంగా 40కి పైగా ప్రాంతాల్లో ఏకకాలంలో సోదాలు నిర్వహిస్తున్నట్లు ఈడీ అధికారులు తెలిపారు.