తెలంగాణలో ఐదు రోజులు వర్షాలు

హైదరాబాద్, జూలై 4 (విజయక్రాంతి): తెలంగాణలో రాగల ఐదు రోజుల్లో వర్షాలు కురిసే అవకాశం ఉందని వాతావరణ శాఖ తెలిపింది. శనివారం నుంచి రాష్ట్రవ్యాప్తంగా పలు ప్రాంతాల్లో తేలిక పాటి నుంచి ఓ మోస్తరు వర్షాలు కురుస్తాయని పేర్కొంది. ఆది, సోమవారాల్లో పలు జిల్లాల్లో భారీ వర్షాలు పడే సూచనలు ఉన్నాయని, ఆయా జిల్లాలకు ఎల్లో అలర్ట్ జారీ చేసింది. ఆదివా రం భద్రాద్రి, ఖమ్మం, నల్లగొండ, సూర్యాపేట, నాగర్‌కర్నూల్, వనపర్తి జిల్లాల్లో వాన లు కురిసే చాన్స్ ఉందని పేర్కొంది. సోమవారం రాష్ట్రవ్యాప్తంగా ౨౦ జిల్లాల్లో  ఉరుములు, మెరుపులు, ఈదురు గాలులతో కూడిన వర్షాలు పడతాయని వెల్లడించింది.