షాద్‌నగర్,(విజయక్రాంతి): షాద్ నగర్ పట్టణ సీఐగా కే.సీతారాం గురువారం బాధ్యతలు చేపట్టారు. ఫ్యూచర్ సిటీ కమిషనరేట్(Future City Commissionerate) పరిధిలో కందుకూర్ సీఐగా ఒకటిన్నర సంవత్సరం విధులను నిర్వహిస్తున్న సీఐ సీతారాం బదిలీపై షాద్ నగర్ పట్టణ సీఐ(Shadnagar town CI)గా వచ్చారు. 2002 బ్యాచ్ కి చెందిన సీఐ సీతారాం ఉమ్మడి జిల్లాలో గుంటూరు ఏసీబీ లో, నిజామాబాద్ జిల్లాలో వివిధ ర్యాంకులలో పనిచేశారు. ఇక్కడ విధులను నిర్వహించిన పట్టణ సీఐ విజయ్ కుమార్ ను ఫ్యూచర్ సిటీ కమిషనరేట్ కు అటాచ్ చేస్తూ సిపి జి. సుధీర్ బాబు ఆదేశాలను జారీ చేశారు.