ఉత్తరాఖండ్: హిమాలయ ఆలయానికి వెళ్లే దారిలో సోన్‌ప్రయాగ(Sonprayag) సమీపంలోని ముంకటియా వద్ద వర్షాల కారణంగా కొండచరియలు విరిగిపడటంతో గురువారం కేదార్‌నాథ్ యాత్రను(Kedarnath Yatra) తాత్కాలికంగా నిలిపివేశారు. ముంకటియా స్లైడింగ్ జోన్ వద్ద కొండచరియలు విరిగిపడటంతో రహదారి పూర్తిగా మూసుకుపోయిందని, దీంతో యాత్రను తాత్కాలికంగా నిలిపివేసినట్లు పోలీసులు తెలిపారు. శ్రీ కేదార్‌నాథ్ ధామ్(Shri Kedarnath Dham) నుండి తిరిగి వస్తుండగా సోన్‌ప్రయాగ్ కొండచరియలు విరిగిపడిన ప్రాంతంలో చిక్కుకున్న సుమారు 40 మంది భక్తులను ఎస్‌డిఆర్‌ఎఫ్ రక్షించింది. కేదార్‌నాథ్ ధామ్‌కు వెళ్లే మార్గంలో సోన్‌ప్రయాగ్ సమీపంలో అర్థరాత్రి అకస్మాత్తుగా శిథిలాలు పడిపోయాయి. దీని కారణంగా నిన్న రాత్రి 10 గంటల నుండి కేదార్‌నాథ్ ధామ్ నుండి తిరిగి వస్తున్న 40 మందికి పైగా యాత్రికులు చిక్కుకుపోయారు. తరువాత ఎస్‌డిఆర్‌ఎఫ్ వారిని రక్షించింది.  ముందు జాగ్రత్త చర్యగా కేదార్‌నాథ్ యాత్రను ప్రస్తుతానికి నిలిపివేశారు.

కొండచరియలు విరిగిపడటంతో కేదార్‌నాథ్ యాత్ర మార్గం మూసుకుపోయింది. ప్రస్తుతం సహాయక చర్యలు కొనసాగుతున్నాయి. ఛోటీ పార్కింగ్ ప్రాంతం సమీపంలో శిథిలాలు, బండరాళ్లు పడి గౌరికుండ్ వైపు వెళ్లే మార్గాన్ని అంతరాయం కలిగించడంతో కేదార్‌నాథ్ ధామ్ వైపు వెళ్లే మార్గం పూర్తిగా మూసుకుపోయిందని అధికారులు వెల్లడించారు. అదనంగా, ముంకటియా సమీపంలోని మార్గం కూడా అడ్డంకిగా మారింది. దీని వలన సోన్‌ప్రయాగ్, గౌరికుండ్ మధ్య రాకపోకలు పూర్తిగా నిలిచిపోయాయి. ఎస్‌డిఆర్‌ఎఫ్ (National Disaster Response Force) చిక్కుకున్న యాత్రికులను విజయవంతంగా రక్షించి సోన్‌ప్రయాగ్‌కు తరలించింది. మార్గాన్ని క్లియర్ చేసే ప్రయత్నాలు ప్రాధాన్యతా ప్రాతిపదికన జరుగుతున్నాయి. మార్గం పునరుద్ధరించబడిన వెంటనే తీర్థయాత్ర కార్యకలాపాలు తిరిగి ప్రారంభమవుతాయి.