జనవరి 9 నుంచి జునికార్న్ అండ్ గ్లోబల్ ఇన్నోవేషన్

హైదరాబాద్, డిసెంబర్ 27 (విజయక్రాంతి): వచ్చే ఏడాది జనవరి 9 నుంచి 11వ తేదీ వరకు దుబాయ్‌లో జరిగే 2వ అంతర్జాతీయ జునికార్న్ అండ్ గ్లోబల్ ఇన్నోవేషన్ సమ్మిట్‌లో పాల్గొనాలని బీఆర్‌ఎస్ వర్కింగ్ ప్రెసిడెంట్ కేటీఆర్‌ను నిర్వాహకులు ఆహ్వానించారు. ఇంటర్నేషనల్ స్టార్టప్ ఫౌండేషన్ ఈ సదస్సును నిర్వహిస్తోంది. వందకు పైగా అంతర్జాతీయ కంపెనీల సీఈవోలు, వెంచర్ క్యాపిటలిస్టులు, పెట్టుబడిదారులు, యువ ఆవిష్కర్తలు ఇందులో పాల్గొననున్నారు. ఈ సమ్మిట్‌కు గౌరవ అతిథిగా పాల్గొనాలని కేటీఆర్‌ను నిర్వాహకులు ఆహ్వానించారు.