హైదరాబాద్: జగిత్యాల జిల్లా మేడిపల్లి మండలం దమ్మన్నపేట గ్రామానికి చెందిన యువకుడు లండన్‌లో గుండెపోటుతో(Heart attack) మరణించాడు. మృతుడిని ఎనుగు మహేందర్ రెడ్డి (26)గా గుర్తించారు. మహేందర్ రెండేళ్ల క్రితం పోస్ట్ గ్రాడ్యుయేషన్ కోసం లండన్ వెళ్లాడు. కోర్సు పూర్తి చేసిన తర్వాత ఇటీవలే వర్క్ వీసా పొంది అక్కడే పని చేస్తున్నాడు. దురదృష్టవశాత్తు ఆయనకు అకస్మాత్తుగా గుండెపోటు వచ్చి మరణించారు. మహేందర్ తండ్రి మేడిపల్లి మండల కాంగ్రెస్ అధ్యక్షుడిగా పనిచేస్తున్నారు. మహేందర్ రెడ్డి అకాల మరణం ఆ గ్రామంలో విషాద ఛాయలు అలుముకున్నాయి. ఆయన మృతదేహాన్ని భారతదేశానికి తీసుకురావడానికి ప్రయత్నాలు జరుగుతున్నాయి.