ఘనంగా వివేక్ దంపతుల పెళ్లిరోజు వేడుకలు

మందమర్రి,(విజయక్రాంతి): చెన్నూరు ఎమ్మెల్యే వివేక్ వెంకటస్వామి- రమాదేవి దంపతుల వివాహ వేడుకలు కాంగ్రెస్ పార్టీ ఆధ్వర్యంలో ఘనంగా నిర్వహించారు. పట్టణంలోని మార్కెట్ ఏరియాలో కాంగ్రెస్ నాయకులు పైడిమల్ల  నర్సింగ్ ఆధ్వర్యంలో శుక్రవారం దంపతుల వివాహ వేడుకలు అంగరంగ వైభవంగా నిర్వహించారు. ఈ సందర్భంగా నర్సింగ్ మాట్లాడుతూ... చెన్నూరు నియోజకవర్గం అభివృద్ధికి వివేక్ వెంకటస్వామి నిర్విరామంగా కృషి చేస్తున్నారన్నారు. ఎమ్మెల్యేగా గెలిచిన అనతి కాలంలోనే కోట్లాది రూపాయల నిధులు తీసుకొచ్చి చెన్నూర్ అభివృద్ధికి కృషి చేస్తున్నారని ఆయన సేవలను కొనియాడారు. వివేక్ దంపతులు మరిన్ని పుట్టినరోజు వేడుకలు జరుపుకుంటూ కలకాలం ఆయురారోగ్యాలతో వర్ధిల్లాలని నర్సింగ్ ఆకాంక్షించారు. ఈ కార్యక్రమంలో కాంగ్రెస్ పార్టీ నాయకులు పాల్గొన్నారు.