గంగానదిలో పడవ మునిగి ఒకరు మృతి, ముగ్గురు గల్లంతు

సాహిబ్‌గంజ్: జార్ఖండ్‌లోని సాహిబ్‌గంజ్ జిల్లాలోని గంగా నదిలో(Ganga River) శనివారం 32 మందితో వెళ్తున్న పడవ బోల్తా పడిన ఘటనలో ఒకరు మృతి చెందగా, మరో ముగ్గురు గల్లంతయ్యారని ఒక అధికారి తెలిపారు. గంగా నది పోలీస్ స్టేషన్(Ganga River Police Station) పరిధిలోని మహారాజ్‌పూర్ గడైడియారా ప్రాంతంలో ఈ సంఘటన జరిగిందని ఆయన తెలిపారు. "పడవలో 32 మంది ఉన్నారు. ఇరవై ఎనిమిది మందిని రక్షించారు. ఒకరు చనిపోగా, మరో ముగ్గురు గల్లంతయ్యారు" అని సాహిబ్‌గంజ్ డిప్యూటీ కమిషనర్(Sahibganj Deputy Commissioner) హేమంత్ సతి మీడియాకి తెలిపారు. తప్పిపోయిన వ్యక్తుల కోసం 28 మంది డైవర్లను నియమించినట్లు ఆయన తెలిపారు. "తప్పిపోయిన వ్యక్తులను రక్షించే కార్యకలాపాలలో జాతీయ విపత్తు ప్రతిస్పందన దళాన్ని మోహరించాలని మేము అభ్యర్థనలను కూడా పంపాము" అని సతి తెలిపారు.