ఢిల్లీలో 'వందేమాతరం' 150వ స్మారకోత్సవం

న్యూఢిల్లీ: ప్రధానమంత్రి నరేంద్ర మోదీ(Prime Minister Narendra Modi) శుక్రవారం ఇందిరా గాంధీ ఇండోర్ స్టేడియంలో(indira gandhi indoor stadium) ఏడాది పొడవునా జరిగే జాతీయ గీతం "వందేమాతరం" స్మారక కార్యక్రమాన్ని ప్రారంభించిన అనంతరం వందేమాతరం స్మారక స్టాంపు, నాణెం విడుదల చేశారు. ఈ కార్యక్రమం నవంబర్ 7, 2025 నుండి నవంబర్ 7, 2026 వరకు దేశవ్యాప్తంగా ఏడాది పొడవునా జరిగే స్మారక కార్యక్రమాన్ని అధికారికంగా ప్రారంభించింది. భారతదేశ స్వాతంత్య్ర ఉద్యమానికి స్ఫూర్తినిచ్చిన, జాతీయ గర్వం, ఐక్యతను రేకెత్తిస్తూనే ఉన్న కాలాతీత కూర్పు 150 సంవత్సరాలు పూర్తి చేసుకున్న సందర్భంగా ఈ కార్యక్రమం జరిగింది. 'వందేమాతరం' 150 సంవత్సరాల జ్ఞాపకార్థంగా ప్రధాని పోర్టల్‌ను ప్రారంభించారు. "వందేమాతరం" రచించబడి 150 సంవత్సరాలు పూర్తవుతుంది. 1875 నవంబర్ 7న వచ్చిన అక్షయ నవమి శుభ సందర్భంగా బంకించంద్ర ఛటర్జీ "వందేమాతరం"ను రాశారు.

వందేమాతరం.. గీతాలాపన మాత్రమే కాదు.. దేశభక్తి భావన: కేంద్రమంత్రి షెకావత్

ఢిల్లీలో 'వందేమాతరం' 150వ స్మారకోత్సవం సందర్భంగా కేంద్రమంత్రి షెకావత్ మాట్లాడుతూ.. దేశవ్యాప్తంగా వందేమాతరం సామూహిక గీతాలాపన జరుగుతోందని చెప్పారు. వందేమాతరం.. గీతాలాపన మాత్రమే కాదు.. దేశభక్తి భావనను స్మరించుకోవాలని కేంద్రమంత్రి పిలుపునిచ్చారు. చిన్న ఘటన ప్రేరణగా బంకిమ్ చంద్ర ఛటర్జీ వందేమాతరం గీతం రచించారని ఆయన సూచించారు. బంకించంద్ర కలెక్టర్ గా పనిచేసినప్పుడు బరంపురంలో ఆయన వాహనం అడ్డుకున్నారు. ఆంగ్లేయులు క్రికెట్ ఆడుతున్నారని బంకించంద్రను అడ్డుకున్నారని ఆయన వివరించారు.